Kush është-Enkel Rexhepi: Profesor i gjuhës shqipe, kritizer i Marrëveshjes së Brukselit

Kryetari i ri i Këshillit Kombëtar të shqiptarëve në Sërbi Enkel Rexhepi anëtar i Partisë për Veprim Demokratik, profesor i gjuhës shqipe, ka shprehur më herët pakënaqësinë me situatën me të cilën ndodhen shqiptarët në „Luginën e Preshevës“ ndërsa ka komentuar dhe Marrëveshjen e Brukselit për të cilën ka thënë se nuk kontribuoi në jetë më të mirë në jug të Sërbisë.

Rexhepi do të zëvendësojë në krye të Këshillit Nevzad Lutfiun, ndërsa ky „ndërrim“ është dakordësuar me marrëveshjen e koalicionit të 2022 mes disa subjekteve politike shqiptare në „Luginën e Preshevës", përfshirë Partinë për Veprim Demokratik dhe Lëvizjen e Progresit Demokratik.

Kështu që Rexhepi do të drejtojë në dy vitet e ardhshme Këshillin aq sa e drejtoi dhe Lutfiu për të përmbushur mandatin katërvjeçar. Rexhepi ka qenë një prej anëtarëve të Organeve të Përkohshme që drejtuan Këshillin Kombëtar të shqiptarëve prej marsit deri në maj të vitit 2023 pra deri në zgjedhje.

Pra, në mars të vitit 2023, pasi as pas dy muajve përfaqësues të pesë partive politike nuk mundën që të dakordësohen se kush do ta drejtojë Këshillin Kombëtar, ndërsa Ministrinë për të drejtat e Njeriut dhe Pakicave të Sërbisë u formua Organi i Përkohshëm që drejtonte Këshillin deri në zgjedhje. Në krye të këtij organi ishte Ragmi Mustafa, ndërsa Rexhepi një prej anëtarëve të tij.

Në maj të këtij viti, Kuvendi Zgjedhor zgjodhi të 15 anëtarët e Këshillit Kombëtar të Pakicës Kombëtare Shqiptare në Bujanoc dhe më së shumti 10 mandate i fitoi lista e udhëhequr nga Enkel Rexhepi, e cila u përkrah nga Partia për Veprim Demokratik, Partia Demokratike. Lëvizja për Progres Demokratik dhe Partia Demokratike e Shqiptarëve.

Në prag të zgjedhjeve, Partia për Veprim Dmokratik (PDD) Shaip Kamberi, Lëvizja për Progres Demokratik (PDP) Shqipërim Muslia, Partia Demokratike (DP) Nagip Arifi dhe Partia Demokratike e Shqiptarëve (DPA) Ragmi Mustafa arritën marrëveshje për listë të përbashkët zgjedhore dhe drejtimin e Këshillit të Shqiptarëve. Kjo nuk i pëlqeu ish kryetarit të Komunës së Preshevës Shqipërim Arifit ku Alternativa për Ndryshim mbeti pakicë me pesë vota të fituara. Arifi në atë kohë akuzoi partinë në pushtet në Kosovë Vetvendosjen Albin Kurti se financonte rivalët alternativ politik.

Kjo u hodh poshtë prej Vetvendosjes dhe nga përfaqësuesit e partive shqiptare në Bujanovc.

“Marrëveshja dhe koalicioni u dakordësuan që Këshilli i Shqiptarëve të mos shuhej“, ka thënë atëherë Rexhepi si kryesues i listës së përbashkët zgjedhore.

Enkel Rexhepi para tetë vitesh ishte i privuar nga liria pasi për të është thënë „pasi ngriti flamurin shqiptar“ në Preshevë pasi në vitin 2016, u kritikua nga Komiteti për të Drejtat e Njeriut, anëtar i të cilit ai ishte.

Sikurse u tha atëherë nga organizata, ai nuk e vendosi flamurin shqiptar në "profilin e tij zyrtar", por në formatin letër A-4 "ekspozoi gjenezën historike të flamujve shqiptarë përgjatë kohërave" si pjesë e performancës artistike.

U komentua dhe Marrëveshja e Brukselit mes Sërbisë dhe Kosovës, për të cilën tha se në asnjë mënyrë nuk kontribuoi për jetë më të mirë në jug të Sërbisë.