Vërejtja se pas hapjes së Merdares për hyrjen e mallrave serbe në Kosovë kanë mbetur kufizimet në pikat e tjera të kontrollit, si dhe theksimi se Prishtina duhet të sigurojë qarkullimin e tyre të lirë përmes të gjitha vendkalimeve, janë përfshirë në raportin e sivjetshëm të Komisionit Evropian për Kosovën. Bashkëbiseduesit e Kosovo online kanë mendime të ndryshme nëse kritikat e KE-së do të japin rezultate. Sipas njërit këndvështrim, pas paralajmërimeve nga Brukseli mund të pasojnë edhe sanksionet, ndërsa të tjerë kanë përshtypjen se nuk ekziston vullneti për të ushtruar presion ndaj autoriteteve të Prishtinës. Ajo për të cilën pajtohen është se mallrat serbe janë të kërkuara në tregun e Kosovës.