Gjuriq: Votimi për Rezolutën është një sinjal për ata që do ta shtynin Kosovën në OKB

Ministri i Punëve të Jashtme i Serbisë, Marko Gjuriq, theksoi se përfitimi shtesë i votimit të Rezolutës për Srebrenicën në Asamblenë e Përgjithshme të OKB-së vlen edhe për temën e Kosovës, pasi siç theksoi ai, fakti që Serbia arriti të përfitojë mbi 107 vende në krah të saj për një temë kaq të vështirë siç është gjenocidi, është një sinjal për ata që mund të përpiqen ta shtyjnë Kosovën në OKB, se do të përballen me rezistencë të madhe.

Gjuriq tha në TV Hepi se ky votim është i rëndësishëm për shkak të ekonomisë, por edhe se në të ardhmen të gjithë do të duhet të mendohen dy herë para se të lëvizin kundër Serbisë.

“Nga kjo kemi një lloj përfitimi të përhershëm, kemi ngritur profilin e Serbisë në bashkësinë ndërkombëtare dhe kemi rifreskuar dhe forcuar kontaktet me shumë vende të vogla dhe izoluese. Çdo vend është i rëndësishëm për ne dhe ne bëjmë miq, gjë që është gjithashtu e rëndësishme për çështjën e Kosovës dhe Metohisë, por dhe për tema ekonomike. Nuk do ta kishim fituar Expo-n, por arritëm ta mposhtim Malagën në Spanjë, Minesotën në SHBA, Tajlandë...” tha Gjuriq.

Duke komentuar faktin se para disa vitesh politikanët nga Kosova thoshin se Serbia loboi kundër pavarësisë së Kosovës “duke shpërndarë armë nëpër botë”, Gjuriq tha se kjo nuk iu shpërblye atyre dhe theksoi se 27 shtete e tërhoqën njohjen e pavarësisë së Kosovës në vitet e kaluara.

“Ata pretendonin se kishin 116, 117 dhe më së shumti që kishin ishte 112. Tani kjo është reduktuar në 82, që është më pak se gjysma e vendeve anëtare në OKB”, tha shefi i diplomacisë serbe.

Ai thekson se gjërat po ndryshojnë dhe se Serbia me aksionin e ka forcuar mbështetjen e saj.

“Kjo është tema më e keqe që mund të ngrihet në OKB, për krimin e tmerrshëm të luftës që ndodhi, të cilin askush nuk e konteston, ku duhej të kalonim nga një pozicion mbrojtës në një pozicion më pozitiv. Ne shpjeguam në detaje se ishte përdorur politikisht, nuk ka pasur marrëveshje në Bosnje dhe Hercegovinë, Marrëveshja e Dejtonit po ashtu është shkelur. Kjo është një tentativë për zënkë mes serbëve dhe boshnjakëve, për ta kthyer rajonin drejt së kaluarës, kjo është një përpjekje për të shkaktuar dëme të mëdha, janë shkelur edhe rregullat e OKB-së”, tha Gjuriq.

Duke folur për vetë procesin e votimit dhe sjelljen e bashkë-sponsorizuesve para votimit përfundimtar, Gjuriq konfirmoi se disa ithtarë të Rezolutës u përpoqën të mashtrojnë vendet anëtare para votimit dhe, ndër të tjera, me një histori të rreme se Serbia do të votonte për Rezolutën ose se të paktën do të abstenonte, dhe se po "bën një cirk" për nevoja të brendshme.

“Por e vërteta nuk mund të ishte më ndryshe, ne shkuam dhe trokitëm në dyert e çdo anëtari, madje edhe të bashkësponzoruesve dhe kishim disa bashkësponsor që nuk votuan. Kjo tregon se sa presion ka pasur mbi vendet për të votuar për Rezolutën”, tha ai.

Ai thekson se Serbia organizoi një aksion diplomatik të paprecedentë, të cilin, siç thotë ai, e udhëhoqi presidenti Aleksandar Vuçiq si forcë lëvizëse, por në të ka marrë pjesë e gjithë Ministria e Punëve të Jashtme, si dhe pjesa tjetër e Qeverisë së Serbisë.

Duke komentuar mënyrën e votimit dhe miratimit, Gjuriq thotë se kjo është vetëm një nga truket që propozuesit e kanë përdorur për të miratuar Rezolutën.

“Ato i nënshtrohen temës “kultura e paqes”, si temë kulturore, si diçka që, duke qenë se nuk bëhet fjalë për sigurinë globale, nuk duhet deklaruar nga shumica absolute, por thjesht nga të pranishmit dhe nga ata që votojnë “për” apo “kundër”. Megjithatë, nuk do të isha i lumtur nëse do të isha në vendin e tyre, sepse 5.3 miliardë njerëz jetojnë në vende që nuk e pranojnë Rezolutën”, theksoi Gjuriq.

Ai thekson se Serbia do të vazhdojë të punojë në përmirësimin e marrëdhënieve me vendet e rajonit dhe të Evropës dhe në këtë kuptim thekson se zgjedhjet për Parlamentin Evropian janë në fillim të qershorit, por edhe se zgjedhjet priten në disa vende evropiane.

Serbia do të luftojë për të fituar miq dhe aleatë të rinj edhe në kontinentin evropian, tha Gjuriq dhe shtoi se Serbia do të sillet me përgjegjësi.

"Ndoshta nuk na pëlqen mënyra se si votuan disa vende, por kjo nuk do të thotë se ne nuk do të luftojmë për marrëdhënie më të mira," tha ai.

Ai shprehu kënaqësinë që Greqia dhe Qiproja ishin të përmbajtur si përfaqësues të popullit vëllazëror të Serbisë, përkundër presionit të madh ndaj tyre.

Ai thotë se kanë biseduar edhe me Malin e Zi.

“Më vjen keq që nuk na përkrahën, por jam i bindur se shumica dërrmuese e qytetarëve malazezë ishin në anën tonë”, tha ai.

I pyetur për të komentuar për faktin se ministrja e Jashtme gjermane Analena Berbok kërcënoi vendet se do të ndëshkohen nëse nuk e votojnë rezolutën, Gjuriq theksoi se nuk do të thotë asgjë të keqe sepse nuk do të ishte në interes të Serbisë:

"Ne duhet të themi atë që është në interesin tonë, jo atë që është popullore, Gjermania është një partner i madh ekonomik për ne, ne duhet të shmangim që gjëra të tilla të ndodhin përsëri. Ne të gjithë ndihemi keq për mënyrën se si disa bashkë-sponsorizues, duke përfshirë edhe Gjermaninë, janë sijellur”, tha ai.

Ai thekson se qëllimi i Rezolutës ishte që populli serb të etiketohej si gjenocid, por edhe ta detyronte Serbinë të zhvillojë politikën e saj të jashtme ashtu siç dëshiron dikush tjetër.

Pasi që as presidenti i Serbisë, Aleksandar Vuçiq dhe as pjesa tjetër e lidershipit nuk pajtohen me këtë, siç thotë shefi i diplomacisë serbe, Serbia do të jetë në shënjestër dhe do të etiketohet si vend autoritar.

I pyetur për të komentuar deklaratën e Ministrit të Punëve të Jashtme të BdheH-së, Elmedin Konakoviq, i cili tha se rezoluta e miratuar ishte një shans për të rinovuar padinë, Gjuriq tha se kjo deklaratë e ndihmoi shumë delegacionin serb të dëshmojë dhe të tregojë se rezoluta nuk është e synuar për pajtim, as respekt për viktimat.

"Ajo deklaratë na ndihmoi, ne mundëm t'u dëshmojmë të gjithëve se nuk bëhet fjalë për pajtim, respekt për viktimat, por për hakmarrje që synon damkosjen e popullit serb. Nuk kishte dhuratë më të madhe për ne dhe pozitën tonë se kjo. Megjithatë, më seriozisht, më vjen shumë keq për një pozicion të tillë në BdheH sepse duhet të jemi pakrahasueshëm më të përgjegjshëm në marrëdhëniet tona me njëri-tjetrin”, tha Gjuriq.

Shefi i diplomacisë serbe thekson se marrëdhëniet miqësore diplomatike të Serbisë me pjesën tjetër të botës do të forcohen, duke theksuar se për Serbinë kjo është jashtëzakonisht e rëndësishme në çështjen e Kosovës, por edhe në çështjet që kanë të bëjnë me trashëgiminë e viteve 1990.

"Ne kemi një rrjet të jashtëzakonshëm miqësie me vendet anëtare të Lëvizjes së painkuadruarve. Detyra jonë është të krijojmë një avantazh krahasues prej tij, nga i cili do të përfitojë jo vetëm Serbia, por edhe rajoni dhe BE-ja", tha Gjuriq.