Gujon: “Kultura me dhunë” e Kurtit është një formë tjetër e dhunës ndaj serbëve në Kosovë

Drejtori i Zyrës për diplomaci publike dhe kulturore Arno Gujon ka reaguar me rastin e përfundimit të rinovimit të shtëpisë së bashkëpunëtorit nazist Xhafer Deva në Mitrovicën e Jugut se “kultura me dhunë” e kryeministrit të Kosovës Albin Kurti është një formë tjetër dhune kundër serbëve.

Sipas tij, ky projekt është paralajmëruar në mediat kosovare si “Qendra Rajonale e Trashëgimisë Kulturore”.

Gujon deklaroi në programin e mëngjesit të TV Pink se Xhafer Deva ishte kryetar i Komunës së Mitrovicës së Kosovës gjatë pushtimit fashist të Kosovës deri në vitin 1943.

Në periudhën e mëvonshme të pushtimit nazist u bë Ministër i Punëve të Brendshme të Shqipërisë.

“Deva është një nga themeluesit e divizionit SS Skënderberg, dhe është përgjegjës për shumë krime të kryera në Kosovë dhe Metohi gjatë pushtimit fashist dhe nazist. Albin Kurti filloi restaurimin e shtëpisë së tij, fillimisht me mbështetjen e fondeve nga institucionet evropiane, por falë reagimit të Qeverisë së Republikës së Serbisë, e cila apeloi se kjo ishte e papranueshme, financimi ishte ndërprerë. Pas kësaj, Prishtina nuk mund të llogariste në mbështetjen e huaj, por vazhdoi ta rindërtojë atë shtëpi me paratë e veta”, tha Gujon.

Zyra për diplomaci publike dhe kulturore më herët ka paralajmëruar opinionin vendor dhe atë ndërkombëtar se rindërtimi i shtëpisë së Xhafer Devës nuk do të jetë një projekt që do të kontribuojë në harmoninë ndëretnike dhe ndërtimin e besimit në Kosovë.

“Në atmosferën e glorifikimit të atyre që kanë ushtruar dhunë masive dhe persekutim të serbëve, hebrenjve dhe romëve gjatë Luftës së Dytë Botërore në zonën e Kosovës dhe Metohisë, nuk mund të ndërtohet besimi dhe jeta e përbashkët. Vetëm 350 metra larg kësaj shtëpie ndodhet komuna e Mitrovicës së Veriut, ku dhuna ndaj serbëve nga të ashtuquajturit polici e Kosovës, dhe të gjitha nën sloganin “arritja e rendit dhe ligjit”. Dhuna masive po përsëritet sot dhe glorifikimi i figurës dhe bëmave të Xhafer Devës është motivim i mjaftueshëm për ata që kryejnë dhunë të re që në të ardhmen emrat e tyre të lirohen nga përgjegjësia”, theksoi Gujon.

Drejtori i Zyrës për diplomaci publike dhe kulturore beson se në shtëpinë e Xhafer Devës nuk do të shfaqet askush nga ndërkombëtarët, sepse do të ishte skandal i skandaleve.

"Kjo do të thotë të glorifikohet një kriminel lufte dhe të rishikohet historia," përfundoi Gujon.