Haziri: Bashkëpunimi rruga e vetme për daljen nga kriza politike

Nënkryetari i Lidhjes Demokratike të Kosovës Lutfi Haziri tha se bashkëpunimi partiak dhe institucional është e vetmja mënyrë që të kapërcehet kriza politike në Kosovë.

Haziri tha se kjo është mënyra e vetme që të ndërpritet “rrethi vicioz” që rraskapit Kosovën, duke theksuar se asaj i nevojitet axhendë e qartë politike pas zgjedhjeve që u mbajtën më 7 qershor.

“Çdo opsion që arrihet me marrëveshje gjithëpërfshirëse, program zhvillimor dhe axhendë strategjike duhet që të vendoset në qendër, ndërsa skenari i ndasive të përgjegjësive institucionale vjen në fund“, tha ai në Fejsbuk.

Haziri vlerëson se bashkëpunimi është kyç për përfundimin e krizës politike dhe kthimin e stabilitetit, duke theksuar se Kosova është “faktor i stabilitetit rajonal bazuar në bashkëpunimin e brendshëm dhe stabilitetit”.

Duke folur për zgjedhjet e shpeshta ai tha se Kosova “paraqet“ të tillë cikël politik derisa të bëhet e vetëdijshme për mundësinë që një ditë mund të mbetet pa zgjedhje.

“Një njeri dhe një parti dështuan gjënë qysh prej 17 shkurtit”, th Haziri.