Ivanov: Perëndimi nuk do ta zvogëlojë mbështetjen për Kosovën pavarësisht qëndrimeve të kundërta për Grenlandën

Edhe pse çështja e Grenlandës së fundmi ka ndezur diskutime të shumta në mediat sociale, bashkëpunëtorja hulumtuese në Qendrën Kërkimore Henry Jackson, Helena Ivanov, beson se ajo nuk do të ketë ndikim në pozicionin e bashkësisë ndërkombëtare për Kosovën.

Ivanov kujton se në rrjetet sociale janë shfaqur komente dhe “meme” të shumta duke bërë një paralele mes Grenlandës dhe Kosovës, por dyshon se në realitet do të shihen ndonjë ndryshim serioz në terren.

“Bashkësia ndërkombëtare ka një qëndrim për Kosovën për një kohë shumë të gjatë. Në këtë, më lejoni të them, konflikt të përjetshëm ndërmjet parimit të integritetit territorial dhe të drejtës për vetëvendosje, bashkësia ndërkombëtare ka zgjedhur të drejtën e vetëvendosjes dhe mendoj se në këtë kontekst, vendet që aktualisht mbështesin Kosovën si një shtet i pavarur do të vazhdojë ta bëjë këtë, pavarësisht, më lejoni të them, ndoshta në pamje të qartë qëndrimi i kundërt që ata kanë për Grenlandën", thotë bashkëbiseduesja ynë.

Kur është fjala për ndërmjetësuesin e ri evropian në dialogun Beograd-Prishtinë, danezi Peter Sorensen, Ivanov shprehet qartë se pavarësisht se nga vjen, ai përfaqëson bashkësinë ndërkombëtare, e cila është shumë e qartë në çështjen e normalizimit të marrëdhënieve.

“Pra, një numër i caktuar vendesh e njohin Kosovën si shtet të pavarur, disa vende të tjera anëtare të BE-së nuk e njohin Kosovën si të pavarur dhe kjo është gjithmonë një burim tensioni brenda vetë Bashkimit Evropian. Por kur bëhet fjalë për proceset e normalizimit, gjërat janë të përcaktuara qartë. Ka marrëveshje, kontrata... dhe komuniteti ndërkombëtar pret që të dyja palët të përmbushin detyrimet e tyre kontraktuale. Kushdo që përfaqëson komunitetin ndërkombëtar në mosmarrëveshjet midis Beogradit dhe Prishtinës, nuk mendoj se duhet të presim ndonjë ndryshim në qëndrim për këtë çështje," thotë ajo.