Komandanti i KFOR-it: Nuk ka asnjë dëshmi për praninë e brigadave të Vagnerit në Kosovë

Komandanti i KFOR-it, Angjello Mikelle Ristuqa, në një intervistë për të përditshmen italiane “La Republica”, tha se nuk ka dëshmi për praninë e brigadave të Vagnerit në Kosovë.

I pyetur për të komentuar shkrimin e ueb faqit izraelit “Terror Alarm” se burrat e Brigadës Vagner po mbërrijnë në Kosovë, ai u përgjigj: “Deri më sot nuk ka asnjë dëshmi për praninë e tyre në këtë zonë”.

Ristuqa nënvizoi se këto janë shpesh lajme të paverifikuara, produkt i dezinformimit.

Në intervistë, Ristuqa tha gjithashtu se po të mos kishte ndërhyrë KFOR-i të hënën, do të kishin vajtim për të vdekurit.

“Kjo është një sallë operacioni me një situatë jashtëzakonisht të paqëndrueshme. Unë e përdor këtë term me vetëdije. Situata mund të ndryshojë papritur për shkak të ngjarjeve në dukje të parëndësishme. Të hënën, para-organizova një kontingjent burrash në katër komuna me shumicë serbe me rastin e inaugurimit të kryetarëve të komunave shqiptarë të Kosovës të zgjedhur së fundmi. Rreziku lidhej me faktin se Kryeministri Kurti vendosi të vazhdojë me zbatimin e emërimit të kryetareve të komunës edhe përkundër protestave të serbëve dhe dyshimeve të bashkësisë ndërkombëtare”, sqaroi ai.

Ristuqa tha se kokëfortësia e autoriteteve vendore shqiptare për të mos vepruar sipas rekomandimeve të marra nga partnerët perëndimorë, të cilat shërbejnë për të lehtësuar dialogun, veçanërisht në dritën e progresit të arritur me marrëveshjet e Brukselit dhe Ohrit, ka çuar në një situatë krize.

Ai theksoi se pa ndërhyrjen e KFOR-it, me siguri do të kishim vajtim për të vdekurit në mesin e popullatës serbe dhe policëve shqiptarë.