Maliqi: Nuk besoj në zgjedhje të përsëritura, Kurti do të mundohet që kriza të zgjasë sa më gjatë

Analisti nga Prishtina, Shkëlzen Maliqi, tha për Kosovo online se dyshon në mundësinë e përsëritjes së zgjedhjeve dhe se opsioni më real është që qeveria e re të formohet nga partitë opozitare së bashku me komunitetet pakicë, por se pret që kryeministri aktual Albin Kurti të bëjë gjithçka që mundet që kriza të zgjasë sa më gjatë.

"Unë nuk besoj se do të ketë një skenar 'bullgar' ose 'izraelit' në të cilin zgjedhjet janë përsëritur vazhdimisht. Votat janë të ndara, por opozita ka shumicën. Nëse arrihet një marrëveshje, Kurti mund të manovrojë vetëm për të zgjatur krizën për formimin e qeverisë. Kurti dhe Vetëvendosja kanë përparësi këtu sepse do të jenë të parët që do të marrin mandat”, tha Maliq.

Ai përkujton se Vetëvendosja fillimisht do të ketë mundësinë për të formuar qeverinë e re, por për momentin nuk kanë partnerë për këtë.

“Si gjatë fushatës dhe më parë, ata folën kundër të gjithëve. Kurti në fjalimin e tij të fitores i quajti hajvan opozitën dhe nuk fitoi. Ai as nuk ia arriti qëllimit për të fituar 500 mijë vota dhe as nuk ka shumicën për të formuar një qeveri me pakicat. Ai mund të përfshijë Listën Serbe ose pakicën Serbe, por kjo do të humbiste besimin e elektoratit të tij”, thotë ky analist politik.

Ai gjithashtu beson se është e vështirë të pritet që Kurti të bëjë koalicion me njërën nga partitë që ka marrë më së shumti vota, si LDK-në apo PDK-në.

"Ata janë të gjithë në marrëdhënje shumë të këqija. Ai përfundimisht mund të krijojë partneritet me Ramushin (Haradinaj, AAK), por besoj se nuk do të jetë as në atë kombinim”, saktëson Maljiqi.

Prandaj është më reale që opozita të arrijë një marrëveshje.

“Ata kanë mundësinë të formojnë një shumicë mes votuesve shqiptarë dhe të formojnë një qeveri me një pjesë të partive të pakicës. Nëse gjithçka shkon kështu, kur Kurti heq dorë nga formimi i një qeverie të re, ose nuk mund ta formojë një të tillë, atëherë opozita do të përpiqet ta bëjë këtë”, është i bindur Maliqi.

Ai gjithashtu shpjegon se bashkësia ndërkombëtare në Kosovë insiston që qeveria e ardhshme të përbëhet nga një koalicion më i madh, por se dyshon se Kurti do ta pranojë një opsion të tillë.

"Si ambasadorët dhe Quinta insistojnë në krijimin e një koalicioni të madh. Ata do të ofrojnë formimin e një qeverie të të gjitha forcave politike. Megjithatë, Kurti me siguri nuk do t'i bashkohet asaj qeverie, pa marrë parasysh se në njëfarë mënyre i ka bërë edhe Marrëveshjet e Brukselit edhe të Ohrit dhe është pajtuar me planin franko-gjerman. Por ai nuk dëshiron të jetë ai që do ta zbatojë, ashtu siç i ka bllokuar deri më tani”, thekson Maliqi.

Nga ana tjetër, ai është i bindur se një qeveri e formuar nga opozita mund të përmbushë detyrimet e saj ndërkombëtare dhe më pas të organizojë zgjedhje të reja.

Kjo është e mundur ose në vjeshtë kur pasojnë zgjedhjet e rregullta lokale ose në fillim të vitit të ardhshëm kur pasojnë zgjedhjet presidenciale.

"Për një president të ri kërkohet një shumicë prej dy të tretash dhe në atë rast, qeveria do të shpallte zgjedhjet. Ekziston edhe mundësia e formimit të një qeverie teknike, por në këtë pikë është më pak e sigurt”, përfundon Maliqi.