Mijaçiq: Gati e sigurt që Vetëvendosje do ta bazojë fushatën në presione të mëtejshme ndaj popullit serb

Koordinatori i Grupit Punues të Konventës Kombëtare për BE për Kapitullin 35, Dragisha Mijaçiq, deklaroi se është gati e sigurt që Vetëvendosje fushatën e saj për zgjedhjet e 28 dhjetorit do ta bazojë në presione të mëtejshme ndaj popullit serb.

Ai thekson se kjo parti prej vitesh ka një fushatë të lidhur ekskluzivisht me temat e veriut.

„Ata erdhën me një slogan për vende të reja pune dhe drejtësi. Pamë se nuk ka pasur rritje të konsiderueshme të vendeve të reja të punës, as ndonjë drejtësi të veçantë, por pamë shumë presione ndaj komunitetit serb dhe ndaj gjithçkaje që ka ndodhur në veri“, thotë Mijaçiq për Kosovo online.

Sipas tij, më e rëndësishmja është që gjatë fushatës zgjedhore gjithçka të mbetet e qetë.

„Të mos ketë situata incidentesh, të cilat me siguri do t’i shkonin në favor Vetëvendosjes. Faktorët ndërkombëtarë dhe të gjithë aktorët e tjerë politikë duhet të punojnë që të mos ketë incidente, ndërsa që Vetëvendosje do ta bazojë fushatën e saj në presione të mëtejshme ndaj popullit serb, kjo është gati e sigurt“, verën ai.

Duke pasur parasysh që javën e ardhshme në detyrë do të hyjnë kryetarët e rinj serbë në veri, të cilët do t’i zëvendësojnë ata shqiptarë, Mijaçiq thotë se ky proces do të jetë nën vëmendje të madhe të opinionit ndërkombëtar dhe vendas, dhe se do të jetë herët që deri më 28 dhjetor pushteti i ri lokal të jetë nën presion të qeverisë qendrore.

„Mendoj se kjo do të lihet mënjanë të paktën deri sa të përfundojë fushata zgjedhore“, thotë Mijaçiq.