Mijaçiq: Në vend që të kërkonin falje, Rode dhe Gero ligjëruan me arrogancë organizatat joqeveritare dhe serbët në Kosovë

Drejtori i Institutit për Zhvillim Ekonomik Territorial (InTER) Dragisha Mijaçiq ka reaguar ndaj intervistës së përbashkët të ambasadorëve të Gjermanisë dhe Francës, Jern Rode dhe Olivier Gero, duke deklaruar se në vend që të pranojnë dhe të kërkojnë falje për aktin e paqytetëruar të zhvendosjes së monumentit të ushtarëve serbë të Luftës së Parë Botërore në Prishtinë, ata “me arrogancë ligjëruan” organizatat joqeveritare dhe serbët në Kosovë.

Mijaçiq, duke reaguar ndaj intervistës së dy ambasadorëve për RTK2, ka kujtuar se herën e fundit që Rode dhe Gero iu drejtuan gazetarëve bashkë, ishte kur urdhëruan heqjen e monumentit të ushtarëve serbë të Luftës së Parë Botërore në Prishtinë.

“Kësaj radhe kanë kritikuar organizatat joqeveritare se kanë kërkuar përgjegjësi nga policia e Kosovës. Në vend që të kërkonin falje përulësisht për aktin e tyre të paprecedentë dhe të paqytetëruar kundër komunitetit serb dhe paraardhësve të tyre, ata me arrogancë ligjëruan organizatat joqeveritare dhe serbët e Kosovës”, theksoi Mijaçiq.

Ai pyeti nëse kjo është më e mira që mund të ofrojnë diplomacia gjermane dhe franceze në një moment kaq kritik.