Miliqeviq: Para nesh një fushatë zgjedhore turbulente, rënie e dukshme e mbështetjes për Vetëvendosje

Drejtori ekzekutiv i OJQ-së “Aktiv” Miodrag Milliqeviq pret një fushatë zgjedhore të trazuar në Kosovë, me shumë tone të ashpra, sepse për shkak të rënies së popullaritetit të Vetëvendosjes, partitë e tjera, si LDK, e shohin shansin e tyre. Në të njëjtën kohë, në mesin e partive serbe që do të marrin pjesë në zgjedhjet e shkurtit, ai sheh pluralizëm, i cili "i ka munguar komunitetit serb gjatë gjithë kohës".

“Është e qartë se jemi në një periudhë mjaft të turbullt sa i përket fushatës. Megjithatë, është gjithashtu e qartë se fushata në të vërtetë do të përqendrohet drejt votuesve të vet dhe elektoratit, përgjithësisht të partive shqiptare dhe serbe”, tha Milliqeviq për Kosovo online.

Në këtë mënyrë, thotë ai, do të mund të dërgohen mesazhe kyçe, por paralajmëron se priten tone shumë të ashpra, të cilat herë pas here mund të shkaktojnë akuzë nacionaliste.

"Kjo nuk do të ishte mirë për fushatën. Nuk do të ishte mirë as nëse do të kishte akuza të ndërsjella apo çfarë i parapriu fushatës dhe kjo është çështja e pjesëmarrjes së partive politike serbe, në radhë të parë të Listës Serbe, e cila gjatë gjithë kohës figuron si parti, pjesëmarrja e së cilës realisht nuk është e dëshiruar në këto zgjedhje. Sigurisht, kjo do të ishte një veprim i gabuar, jo vetëm për çështjen e Listës Serbe, por në përgjithësi duke shkuar në drejtim të mendimit që njëra nga partitë politike të përjashtohet nga procesi, me kusht, natyrisht, që të gjitha t'i plotësojnë parakushtet teknike të përcaktuara me ligj dhe rregullat zgjedhore”, thekson Milliqeviq.

Ai gjithashtu pret që fushata politike e të gjithë pjesëmarrësve të fokusohet më shumë në nevojat e qytetarëve dhe se cila do të jetë politika e re në të ardhmen.

Kur bëhet fjalë për partitë e mazhorancës, ai beson se Vetëvendosje do të përpiqet të sigurojë 50 për qind të mbështetjes siç bëri katër vjet më parë.

“Ajo është shpallur diku edhe në Kongresin e fundit të Vetëvendosjes. Megjithatë, sipas të dhënave të fundit duket se nuk do të jetë kështu pasi rënia e mbështetjes është shumë e dukshme. Natyrisht, partitë e tjera janë në pritje dhe në kërkim të shansit të tyre, e kam fjalën për Partinë Demokratike të Kosovës dhe sigurisht për tjetrën, Lidhjen Demokratike të Kosovës. Këto janë dy partitë më të mëdha shqiptare që po ashtu kërkojnë shansin e tyre që ndoshta të kërkojnë një mundësi pas zgjedhjeve, pra të shfrytëzojnë mundësinë për të formuar qeverinë përmes koalicionit të ndërsjellë”, vlerëson Milliqeviq.

Kur është fjala për bllokun serb, ai thotë se doza e plurazimit është inkurajuese, gjë që nuk ka ndodhur deri më tani.

“Në këtë moment mund të themi se kemi atë masë të pluralizmit që i ka munguar komunitetit serb gjatë gjithë kohës. Por nga ana tjetër, jam i sigurt se na pret një fushatë negative. Nuk mund të pres asgjë më pozitive, duke pasur parasysh, natyrisht, gjithçka që ka ndodhur më parë në dy vitet e fundit, veçanërisht pas daljes, braktisjen e institucioneve nga serbët dhe partitë serbe”, beson ky analist.

Ai nuk e përjashton mundësinë që fushata e ashpër të shoqërohet me konflikte në nivelin e Beogradit dhe Prishtinës, si dhe me probleme rreth votimit të serbëve që nuk janë në Kosovë.

“Pritet që si njëra ashtu edhe pala tjetër të ofrojnë një front sa më të gjerë mbështetjeje në mesin e elektoratit. Por, konflikte priten edhe në nivelin e Beogradit dhe Prishtinës kur bëhet fjalë për elektoratin që graviton jashtë territorit të Kosovës, dhe që me siguri, nëse Serbia nuk ia mundëson, nuk do të mund të marrë pjesë drejtpërdrejt në votim”, përfundon Milliqeviq.