Millenkoviq: Rënia e Vetëvendosjes dhe suksesi i Listës Serbe janë pasojë e politikave të Kurtit

Marko Millenkoviq nga OJQ-ja “Nisma e Re Shoqërore” vlerësoi se rezultatet e zgjedhjeve në Kosovë konfirmuan parashikimet parazgjedhore për rënie të mbështetjes për Vetëvendosjen, e cila tashmë nuk do të jetë në gjendje të formojë vetë qeverinë, ndërsa Lista Serbe i fitoi të dhjetë mandatet, gjë që e sheh si përgjigje të komunitetit serb ndaj politikave të mëparshme të Albin Kurtit.

“Tendencat parazgjedhore janë konfirmuar, kështu kemi pasur në sondazhe, se Vetëvendosje do të ketë rënie të elektoratit. Kështu ndodhi në të vërtetë. Dhe kjo është ndoshta përshtypja më e fortë e këtyre rezultateve zgjedhore. Edhe pse nuk kemi rezultate përfundimtare, është evidente se Vetëvendosja nuk do të jetë në gjendje të formojë vetë qeverinë e re, por do të duhet të hyjë në koalicion ose të shkojë në opozitë. Ajo që është evidente në këtë moment është se kjo rënie është serioze”, tha ai.

Millenkoviq e interpreton këtë si vota që rrjedhin për partitë opozitare, gjë që flet për një formë mosbesimi.

Duke folur për përfaqësuesit serbë, ai tregon se rezultati i arritur nga Lista Serbe, e cila do t'i marrë të dhjetë ulëset, përveç rënies së Vetëvendosjes, i ka shënuar këto zgjedhje.

"Në këtë pikë, këto janë dy gjëra që unë do të theksoja. Jam i sigurt se politika e mëparshme e Vetëvendosjes ka çuar në rënien e tyre drastike dhe se diku në komunitetin serb ka pasur një grupim apo unitet brenda një partie të vetme politike, duke pasur parasysh kushtet në të cilat jeton komuniteti serb dhe të cilat janë imponuar nga qeveria e mëparshme e Vetëvendosjes. Komuniteti serb padyshim ka vendosur që të votojë për opsionin, pra Listën Serbe, dhe në këtë mënyrë disi t'i tregojë Vetëvendosjes dhe Kurtit se çfarë mendojnë realisht për atë politikë, por edhe për atë atmosferë frike dhe gjendje të keqe të sigurisë. Serbët u grupuan brenda Listës Serbe dhe zgjodhën 10 nga 10 deputetë”, tha Millenkoviq.