Muhaxhiri: Nuk ka heqje të sanksioneve pa zgjedhje në veri

Analisti nga Prishtina, Artan Muhaxhiri, thotë se sanksionet e vendosura nga Bashkimi Evropian ndaj Kosovës mund të ishin shmangur, por kryeministri Albin Kurti nuk ka dashur të jetë konstruktiv në raport me veriun e Kosovës dhe Asociacionin e Komunave Serbe. Ai beson se masat ndëshkuese nuk do të hiqen deri në mbajtjen e zgjedhjeve të reja në veri.

“Efektet e sanksioneve që Bashkimi Evropian i vendosi Kosovës gjysmë viti më parë janë të mëdha, si në kuptimin praktik ashtu edhe në atë simbolik. Janë bllokuar qindra milionë euro nga IPA dhe fondet e tjera të BE-së. Nga ana tjetër, në një kuptimi simbolik, kur është fjala për imazhin e Kosovës, është reflektuar keq, sepse kjo është hera e parë që Kosova është nën sanksione, të cilat absolutisht mund të shmangeshin, por kryeministri Kurti nuk ka dashur të jetë konstruktiv pasi i është kërkuar nga ai për veriun e Kosovës dhe Asociacionin. Ky ka qenë rezultat i mungesës së shfrytëzimit të mundësive për vazhdimin e dialogut për shkak të bllokadave që Kurti ka dashur t'i vendos në negociata”, thotë Muhaxhiri për Kosovo online.

Ai shton se “ky është një mësim shumë i ashpër për Kurtin”.

“Shpresoj që ai të mos e përsërisë në të ardhmen, sepse përgjigja nga Brukseli do të jetë gjithmonë e njëjtë, pavarësisht se cili lider është, nëse ai përpiqet të bllokojë normalizimin, do të ketë sanksione, izolim dhe nuk do të ketë niveli i njëjtë i bashkëpunimit si më parë”, beson bashkëbiseduesi ynë.

I pyetur nëse sanksionet e dëmtuan politikisht Kurtin, apo përkundrazi, a çuan në rritjen e përkrahjes së tij në elektorat, Muhaxhiri beson se ato ishin politikisht të këqija për kryeministrin.

"Fuqia politike në Kosovë varet nga raportet që kanë liderët me bashkësinë ndërkombëtare. Ne ende kemi nevojë për mbështetjen e komunitetit ndërkombëtar, SHBA-së dhe vendeve të fuqishme në BE, veçanërisht Gjermanisë. Kur ky bashkëpunim të 'dëmtohet', Kosova do të vuajë. Njerëzit filluan të kuptojnë se kryeministri Kurti duhet të bëjë kompromise, se ai duhet të bëhet shumë më pragmatik dhe jo kokëfortë kur bëhet fjalë për marrëdhëniet me BE-në. Gjithmonë do të ketë ndëshkim politik dhe financiar nëse vendimet e tij janë totalisht kundër gjeostrategjisë dhe projekteve gjeopolitike për Kosovën dhe Ballkanin në tërësi”, thotë Muhaxhiri.

Për faktin se Kurti dhe zyrtarët në Prishtinë vazhdimisht po bëjnë thirrje për heqjen e sanksioneve dhe thonë se Kosova i ka përmbushur të gjitha kërkesat e BE-së, edhe pse ende nuk ka zgjedhje në veri dhe as Asociacionin e komunave serbe, Muhaxhiri thotë se “zgjedhjet në veriu janë një nga kriteret më të rëndësishme për heqjen e masave ndëshkimore”.

"Është një hap shumë i rëndësishëm për normalizimin e situatës, veçanërisht për minoritetin serb. Ata duhet të kenë përfaqësuesit e tyre që do të pasqyrojnë vullnetin e tyre politik. Për sa kohë që këto zgjedhje të shtyhen, përderisa nuk ka proces normal zgjedhor në veri nuk do të hiqen sanksionet”, përfundon Muhaxhiri.