Në Zveçan, numri më i madh i serbëve të mbledhur deri më tani, shpaloset flamuri serb prej 250 metrash

Disa mijëra qytetarë janë mbledhur sot para ndërtesës së komunës së Zveçanit, para së cilës ende qëndrojnë ushtarë të KFOR-it dhe pjesëtarë të Policisë Speciale të Kosovës.

Siç raporton reporteri i Kosovo Online, aktualisht në Zveçan ka më së shumti serb të mbledhur deri më tani. Numri i forcave speciale të Policisë së Kosovës dhe automjeteve të blinduara është shtuar që nga mëngjesi i sotëm dhe tensionet janë të larta.

Anëtarët e KFOR-it vendosën disa rende telash me gjemba rreth ndërtesës komunale.

Nga ana tjetër, qytetarët e mbledhur shpalosën flamurin serb 250 metra të gjatë.

Ish-kryetari i Kuvendit të Komunës së Zveçanit, Srgjan Millosavleviq, gjatë zbulimit të trengjyrëshit serb, edhe një herë ka bërë thirrje për protesta paqësore, sepse siç ka thënë ai, populli serb është i njohur për paqen e tij.

Millosavleviq përsëriti kërkesat e serbëve që njësitë speciale të policisë të tërhiqen nga veriu dhe qytetarëve të punësuar t'u mundësohet qasja në objekt, si dhe të lirohen dy serbët që u arrestuan të hënën.