Policia e Kosovës bastisi Palestrën e Sporteve në Mitrovicën e Veriut, Kovaç: Po i mohojnë të drejtat themelore të fëmijëve

Pjesëtarët e Policisë së Kosovës kanë hyrë sot rreth orës 15:00 në Palestrën e Sporteve në Mitrovicën e Veriut, në momentin kur po zhvillohej një stërvitje për fëmijët, dhe kanë urdhëruar që të gjithë të largohen nga objekti.

Dhjetëra policë kanë kërkuar që palestra të lirohet menjëherë, gjë që ka shkaktuar indinjatë tek punëtorët e punësuar në Palestrën e Sporteve, si dhe frikë tek fëmijët që në atë moment po zhvillonin stërvitjen e tyre të rregullt.

Para Palestrës aktualisht ndodhen pjesëtarë të Policisë së Kosovës, disa prej tyre të armatosur me armë të gjata. Të pranishëm janë edhe punëtorët e palestrës.

Drejtori i Palestrës së Sporteve, Goran Kovaç, tha për Kosovo online se Policia e Kosovës ka hyrë në objekt rreth orës 14:45 dhe e ka zbrazur atë.

„Sot rreth orës 14:45, punëtorët më njoftuan se pjesëtarët e Policisë së Kosovës, përkatësisht punonjës të komunës veriore të Kosovës me asistimin e Policisë së Kosovës dhe inspektorëve, kanë ardhur këtu dhe kanë hyrë në palestër. Kur arrita, ishin në një disponim të pakëndshëm. Megjithatë, i pyeta pse po e bëjnë këtë. Njëri nga zyrtarët ishte shumë i pasjellshëm, u përpoq të më tërhiqte për të folur me mua veçmas“, tha Kovaç.

Ai shtoi se kur hyri në Palestrën e Sporteve pas ndërhyrjes së forcave të Kosovës, kishte çfarë të shihte.

„Kur u ngjita lart, pashë që të gjitha fotografitë që ishin në Palestrën e Sporteve, që përfaqësonin sportistët tanë të mëdhenj si Novak Gjokoviq, notari Çaviq, Aleksandar Sasha Gjorgjeviq, ishin hequr. Po ashtu, kishin grisur fotografinë e një humanisti tonë, Branko Gjorgjeviq, i cili ka bërë shumë për popullin në Kosovë dhe Metohi. Kur i pyeta pse po e bëjnë këtë dhe pse kishin ardhur pikërisht në 14:45, kur kishin kohë të tërë ditën, sepse unë isha në Paliq, më thanë se nuk donin të flisnin në shqip. Unë, që kam jetuar këtu mbi 20 vjet, di të flas shqip, por dua të flas serbisht. Sepse kjo është e drejta ime, themelore. Pas kësaj, ata e ulën pak tonin. Thanë se kishin ardhur për ta marrë palestrën me urdhër të komunës së veriut, si gjoja organ i komunës së veriut, dhe se gjithçka do të mbetet siç ka qenë, vetëm më kërkuan të nënshkruaj një procesverbal dhe të shkoj nesër në orën tetë në komunë për t’u treguar orarin e stërvitjeve dhe kush kur stërvitet, dhe se asgjë nuk do të ndryshojë, pra do të jetë si më parë“, rrëfeu Kovaç.

Ai tha se kishte pyetje edhe për policinë.

"Kur u thashë se do të ishte siç thanë në ujësjellës ditën e parë, se do të ishte si zakonisht, dhe pastaj nesër i hodhën të gjithë jashtë, ata mbetën pa fjalë. Megjithatë, ata thanë sikur të mos ishte vetëm kjo, se nuk donin publicitet dhe nuk e di çfarë, një lloj konflikti. Thashë që nesër një mijë fëmijë do të jenë këtu në këtë hyrje dhe do të kërkojnë të drejtën e tyre, të drejtën themelore për të luajtur sporte dhe për të jetuar në këtë zonë. Do të shohim çfarë do të ndodhë nesër. Kam disa gjëra të tjera për të njoftuar nesër sepse nuk dua ndoshta ta ekzagjeroj situatën dhe t'i inatos ata. Nëse nesër nuk shkon siç thanë, atëherë do të kemi një konferencë për shtyp dhe do t'u tregoj të gjithëve se si ishte dhe si shkoi inkursioni i tyre sot", tha Kovaç.

Ai tha se policia refuzoi t’i jepte procesberbalin, edhe pse ai ua kërkoi.

"U kërkova procesverbalin, ata bënë sikur ishin të çmendur.Pastaj filluan, nxorën disa dokumente dhe thanë se duhet t'i nënshkruaj. Kërkova ta shihja në gjuhën serbe, në gjuhën time amtare, sepse mendoj se kemi të drejtë ta bëjmë këtë. Pastaj një nga punonjëset e tyre filloi të sillej çuditshëm, duke më përgjigjur dhe duke më pyetur pse do të duhej të fliste serbisht... Nuk dua të paragjykoj asgjë tani. Nesër në orën tetë më thirrën në bashki për të dhënë orarin e stërvitjes së ekipeve në Sallë dhe listën e punonjësve. Dyshoj se gjithçka do të mbetet njësoj”, përfundoi drejtori i Palestrës së Sporteve.