Rode për Trendafilovën: Jemi seriozisht të shqetësuar për anulimin e konferencës për shtyp pas presionit nga veteranët e UÇK

Ambasadori gjerman në Kosovë, Jorn Rode, shprehu shqetësim serioz për anulimin e konferencës së djeshme për shtyp nga Presidentja e Dhomave të Specializuar të Kosovës, Ekaterina Trendafilova, për arsye sigurie për shkak të presionit nga veteranët e UÇK-së.

“Dhomat e specializuara të Kosovës janë pjesë e sistemit ligjor të Kosovës dhe informimi i publikut është një shtyllë thelbësore e mandatit të tyre. Anulimi i konferencës për shtyp pas presionit nga veteranët e UÇK-së shkakton shqetësim serioz. Autoritetet duhet të sigurojnë që gjykata të mund ta kryejë punën e saj pa pengesa”, shkroi Rode në rrjetin social Bluskaj.