Savkoviq: Nuk ka gjasa që Prishtina të inicojë formimin e AKS para zgjedhjeve

Ndonëse, nën ndikimin e Berlinit, qeveria e Kosovës hoqi ndalimin e importit të mallrave serbe në njërën nga pikat e kalimit, këshilltari i lartë i Fondit ISAK, Marko Savkoviq thotë se nuk beson që Prishtina tash do të inicojë procesin e formimit të Asociacionit të komunave serbe, pavarësisht se i dërguari gjerman për Ballkanin Perëndimor Manuel Zaracin tha se është dëshira e Gjermanisë që draftin evropian të statutit të AKS ta dërgojë në Gjykatën Kushtetuese për vlerësim.

“Gjermania kishte shumë mirëkuptim për një qëndrim mjaft të ngurtë të Prishtinës dhe për veprimet e qeverisë së drejtuar nga kryeministri Kurti, të cilat shpeshherë nuk ishte në frymën e dialogut, as konstruktive dhe do të doja që Gjermania të kishte ndikim. Megjithatë, ata (në Kosovë) kanë zgjedhje dhe ideja që procesi i Asociacionit të fillojë tani më duket e pamundur. Nuk kam dëgjuar asnjë zë të vetëm të flasë pozitivisht në kontekstin e Asociacionit të komunave serbe”, tha Savkoviq për Kosovo online.

Siç shton ai, rreth Ceftës është gjetur një zgjidhje solomonike, e cila është kërkuar prej kohësh, por që mund të nënkuptojë një rikthim në frymën e dialogut, por ai mendon se kjo nuk do të ketë një ndikim të rëndësishëm në perspektiva e Asociacionit të komunave serbe.

I pyetur nëse Berlini pret që Beogradi të jetë ai që do të ndërmarrë hapin e parë në mënyrë që Prishtina të jetë e “presionuar” për të filluar zbatimin e AKS, Savkoviq thotë se Beogradi ka bërë shumë.

"Beogradi praktikisht mbetet të ftojë dhe të shpresojë se do të ketë sukses që të motivojë përfaqësuesit e tij që të marrin pjesë në zgjedhjet parlamentare në Kosovë dhe kështu të kthehen në institucione. Sepse, vetëm me kthimin e përfaqësuesve serbë, d.m.th. të përfaqësuesve legjitimë - në ato institucione përsëri do të kemi përfaqësues të komunitetit serb në jetën politike të Kosovës dhe kjo ka rëndësi të madhe në kontekstin më të gjerë të dialogut dhe për jetën e njerëzve”, thekson Savkoviq.