Sellakoviq: Reçaku, aksioni ligjor i policisë, Kurti sulmon serbët me aktakuza të fabrikuara

Sado që Albin Kurti dhe terroristët e tjerë veteranë përpiqen të sulmojnë serbët me aktakuza të fabrikuara dhe të rishkruajnë natyrën e vërtetë të aksionit antiterror në Reçak, ne nuk do t'i lejojmë këtë, tha sot Ministër i Punës, Punësimit, Veteranëve dhe Çështjeve Sociale të Serbisë, Nikolla Sellakoviq, dhe theksoi se Reçaku ishte dhe mbetet aksion ligjor dhe legjitim i ushtrisë dhe policisë sonë kundër formacioneve terroriste të UÇK-së.

Në këtë ditë, 24 vjet më parë, forcat e sigurisë së Serbisë dhe RFJ-së kryen një operacion antiterrorist në të cilin eliminuan një grup terrorist në fshatin Reçak në territorin e komunës së Shtimes, kujtoi Sellakoviq në Instagram.

“Manipulimi i shkathët i përfaqësuesve të bashkësisë ndërkombëtare nën firmën e OSBE-së dhe udhëheqjen e Villiam Vokerit e shndërroi këtë aksion antiterrorist në një rast për agresion të NATO-s kundër atdheut tonë në vitin 1999”, tha Ministri Sellakoviq.

Ai theksoi se koha, provat por edhe dëshmia e kreut të pjesës finlandeze të ekipit patologjik treguan se Reçaku ishte një përpjekje e aftë për manipulim për të provokuar një luftë kundër Serbisë; pika kryesore e kësaj ishte tërheqja e Prokurorisë së Hagës nga ajo pjesë e aktakuzës kundër Presidentit Sllobodan Millosheviq.

“Sado që Kurti dhe terroristët e tjerë veteranë të përpiqen të sulmojnë serbët me akuza të fabrikuara dhe të rishkruajnë natyrën e vërtetë të aksionit antiterrorist, ne nuk do t'i lejojmë këtë, përderisa ka serbë të ndershëm dhe seriozë, si Presidenti Alleksandar Vuçiq, gjyqtarja Danica Marinkoviq dhe Ivan Todosijević. Shumica dërrmuese prej nesh jemi të tillë, dhe për sa kohë që ne do të ekzistojmë, do t'u themi fëmijëve tanë, por edhe gjithë botës, se Reçaku ishte dhe mbetet një aksion ligjor dhe legjitim i ushtrisë dhe policisë sonë kundër formacione terroriste të ashtuquajturit UÇK-ja dhe ata që me të gjitha forcat u përpoqën ta portretizojnë ndryshe, nuk janë gjë tjetër veçse bashkëpunëtorë të terroristëve, që e dëshmuan duke kryer krimin e agresionit ndaj vendit tonë, dhe kriminelët e vërtetë janë ata që vranë 79 fëmijë tanë në 78 ditë e net dhe të cilët kanë bërë të mundur që 312 nga gjithsej 437 vendbanime në Kosovë e Metohi të spastrohen etnikisht nga serbët dhe më shumë se 219.000 serbë dhe joshqiptarë të dëbohen nga krahina jonë jugore”, ka shkruar Sellakoviq.