Spahiu dhe Burjani: Opozita kryesore e Kurtit brenda Vetëvendosjes, një grup deputetësh do të ndahet së shpejti

Kundërshtarët më të mëdhenj politikë të Albin Kurtit aktualisht nuk janë nga opozita, por ministrat në qeverinë e tij dhe anëtarët e partisë së tij Vetëvendosje, pajtohen analistët Nexhmedin Spahiu dhe Blerim Burjani në deklaratat për Kosovo online me rastin e fjalimit të sotëm e kolegut partiak të Kurtit, Haki Abazi, i cili foli hapur për mosmarrëveshjet e tyre dhe pse ai e shqetëson Kurtin.

Spahiu deklaroi për Kosovo Online me rastin e konferencës për media në të cilën Abazi hodhi një sërë akuzash ndaj Vetëvendosjes dhe Albin Kurtit, se kjo është “normale, sepse një shoqëri demokratike ka interesa të ndryshme”.

“Kur një parti merr më shumë se 50 për qind të votave në zgjedhje është normale që nuk ka probleme me opozitën, por me veten. Kundërshtari më i madh i Albin Kurtit nuk është opozita, por ministrat e qeverisë së tij dhe anëtarët e partisë së tij që shkaktojnë probleme për shkak të ideologjive të ndryshme. Çdo shoqëri ka interesa të ndryshme dhe nuk mund të mbahet më shumë se 50 për qind në një linjë. Pas zgjedhjeve fillon mosmarrëveshja. Pra ngjarje të tilla janë krejt normale“, tha Spahiu.

I pyetur nëse është i justifikuar shkarkimi i Abazit, duke marrë parasysh paraqitjet e tij publike kundër disa vendimeve të marra në Vetëvendosje, Spahiu thotë se është çështje e brendshme e partisë.
“Unë nuk jam anëtar i Vetëvendosjes dhe nuk mund të gjykoj se kush ka të drejtë, është çështje e brendshme e tyre që bëhet në baza demokratike. Është e drejta e liderit të heqë ose të propozojë largimin e një anëtari dhe e drejta i atij anëtari është të kundërshtojë liderin”, përfundoi Spahiu.

Nga ana tjetër, analisti kosovar Blerim Burjani beson se mosmarrëveshja në Vetëvendosje është rezultat i mënyrës së drejtimit të politikës së Kurtit.

“Individët në Vetëvendosje kanë arsyet e tyre për disa çështje që kanë të bëjnë me politikën e brendshme, dhe një arsye tjetër është mënyra e kryerjes së politikës në parlamentin e grupit të Vetëvendosjes. Kurti mendon se janë kundër tij dhe po punojnë për rrëzimin e qeverisë së tij”, tha Burjani.

Siç ka shtuar ai, Kurti duhet të jetë veçanërisht i kujdesshëm me deputetët që i janë bashkuar Vetëvendosjes pak më vonë.

“Janë pesë individë të Vetëvendosjes që janë të pakënaqur me mënyrën e kryerjes së politikës së Kurtit. Mendoj se Kurti duhet të punojë seriozisht me këtë grup, sepse nuk kanë qenë me të që në fillim, janë bërë deputetë falë Kurtit”, shtoi Burjani.

Burjani beson se individët e Vetëvendosjes do të formojnë grupin e tyre parlamentar deri në maj të këtij viti.

Kurti ka në parlament njerëz që nuk përfaqësojnë askënd, domethënë nuk kanë as profesion. Kështu është rasti me Mimosa Kusari-Lila, e cila ndërroi parti dhe koalicione. Ajo ka një parti false, e cila nuk do të jetë më në listën e Vetëvendosjes në mandatin e ardhshëm. Kjo do të thotë se tani ka mundësi që ky grup brenda Vetëvendosjes të formojë një grup të ri parlamentar, mendoj se do të ndodhë deri në maj të këtij viti”, ka përfunduar Burjani.