Staroviq: Fushata e zjarrit dhe tërbimit të Kurtit kundër serbëve arriti kulmin

Ministri i Punës, Punësimit, Veteranëve dhe Çështjeve Sociale i Serbisë, Nemanja Staroviq,deklaroi se fushata e zjarrit dhe tërbimit të kryeministrit të Kosovës Albin Kurti kundër serbëve në Kosovë ka arritur kulmin sot.

“Fushata e zjarrit dhe e tërbimit që kryeministri i Kosovës Albin Kurti po zhvillon kundër komunitetit serb në veri ka arritur kulmin pasditen e sotme, ndërsa banditë policore të armatosur rëndë sulmuan ndërtesat ku janë vendosur të gjitha institucionet e mbetura që ofrojnë shërbime bazë për popullsinë vendase - zyrat komunale, qendrat për punë sociale, spitali rajonal, fondi pensional”, ka shkruar Staroviq në rrjetin social “X”.

Me këtë, paralajmëron ai, Kurti synon të arrijë qëllimin përfundimtar të ekstremistëve shqiptarë:

“Për ta bërë të padurueshme jetën e përditshme të serbëve në Kosovë dhe për t'i detyruar ata të largohen nga krahina. Asgjë veç spastrimit etnik në zemër të Evropës në shekullin e 21-të”, tha Staroviq.