Stoltenberg: Vendosja e sigurisë në Kosovë është çelësi i stabilitetit në Ballkanin Perëndimor

Sekretari i Përgjithshëm i NATO-s, Jens Stoltenberg, falënderoi anëtarët e KFOR-it për angazhimin e tyre dhe tha se krijimi i një mjedisi të sigurt në Kosovë është çelësi i paqes në Ballkanin Perëndimor.

Stoltenberg përme një video mesazhi të publikuar në rrjetin social “X” tha se ne jetojmë në një botë të rrezikshme dhe se siguria nuk mund të ekzistojë pa forca të forta mbrojtëse.

"Jetojmë në një botë të rrezikshme. Kemi një luftë në Lindjen e Mesme, tensionet në Ballkanin Perëndimor janë rritur. Nuk mund të ketë siguri pa një forcë të fortë mbrojtëse. Kjo është arsyeja pse gjatë vitit të kaluar kemi ndërmarrë hapa të rëndësishëm për të mbështetur parandalimi dhe mbrojtja, duke rritur numrin e trupave. Kjo nuk është ajo që do të provokonte luftë, por për të parandaluar konfliktin dhe për të siguruar paqen", tha Stoltenberg.

Ai ka shtuar se gjatë këtij viti ka pasur privilegjin të flasë me pjesëtarët e KFOR-it.

"Kështu takova anëtarët e KFOR-it në Kosovë muajin e kaluar. Ndihma në krijimin e një mjedisi të sigurt për të gjithë në Kosovë është çelësi i stabilitetit të Ballkanit Perëndimor," vuri në dukje ai.

Në fund ai ka falënderuar edhe ushtarët e KFOR-it, duke thënë se pa ta nuk do të kishte NATO, as siguri, as liri.

" Jemi shumë mirënjohës për ju. Faleminderit për shërbimin, profesionalizmin dhe përkushtimin tuaj", përmbylli Stoltenberg.