Vuletiq: Nuk është reale të pritet një “zgjidhje përfundimtare” e dialogut në muajt e ardhshëm

Është krejtësisht joreale të pritet që në muajt e ardhshëm të ketë përparim në dialogun ndërmjet Beogradit dhe Prishtinës, e veçanërisht të shpresohet për një zgjidhje përfundimtare të çështjes, vlerëson sociologu Vladimir Vuletiq.

Vuletiq për Kosovo online thekson se përfundimi kryesor është se nuk flitet për një “zgjidhje përfundimtare” në muajt e ardhshëm.

"Lëvizjet nuk ndodhin për një kohë shumë të gjatë, duhen dekada dhe është e vështirë të presësh që disa gjëra apo probleme të zgjidhen brenda disa muajsh vetëm sepse është interesi i dikujt politik. Kjo nuk është reale. Të flasim për zgjidhjen përfundimtare në muajt e ardhshëm është realisht joreale”, pohon Vuletiq dhe shton se është shumë më reale të pritet që kur të vijë deri të procesi i dialogut të mos ketë ndërprerje të reja apo situatën në të cilën kemi qenë në 12 muajt e fundit.

Siç shprehet ai, kjo është e rëndësishme për të shmangur incidentet që mund të eskalojnë në konflikte, madje edhe në konflikte të përmasave më të gjera.

“Ajo që është reale të pritet është që kur të vazhdojë procesi i dialogut, të mos ketë ndërprerje të dialogut, të mos përfundojmë në situatën që ishim në 12 muajt e kaluar, e cila do të jetë në prag të disa incidenteve që mund të shndërrohen në konflikte, ndoshta dhe në konflikte më të mëdha”, thotë ai.