Zeman: U përpoqa që Republika Çeke të revokojë njohjen e Kosovës, faleminderit popullit serb për miqësinë tuaj

Presidenti i Republikës Çeke, Millosh Zeman, ka falënderuar presidentin e Serbisë, Alleksandar Vuçiq për fjalët e tij të mira dhe tha se është krenar që ka porositë më serbe.

Zeman shtoi se u përpoq që Republika Çeke të revokojë njohjen e Kosovës.

“Dikur edhe parlamenti çek i bëri thirrje qeverisë që të mos e njohë Kosovën, por fatkeqësisht situata politike ka ndryshuar dhe fituan forcat që e njohën Kosovën, dhe unë nuk jam autokrat dhe respektoj parimet demokratike. “As unë dhe as paraardhësi im Vacllav Kllaus nuk kemi dhënë pëlqimin për emërimin e ambasadorit çek në Prishtinë”, ka thënë Zeman.

Presidenti çek e uroi Serbinë për rezultatet e suksesshme ekonomike, e cila arriti një suficit në buxhet ndërkohë që shumë vende, duke përfshirë Republikën Çeke, përballen me një deficit.

“Dua të përmend gjithashtu rëndësinë e Shtëpisë çeke nëpër të cilat vetëm në vitin 1939 kaluan më shumë se 2000 çekë të arratisur nga nazizmi. Shtëpia çeke do të mbetet një memorial i përhershëm i bashkëpunimit çeko-serb që do të kujdeset për bashkëpunimin ekonomik dhe kulturor. Kështu do të krijojmë diçka që është më se domethënëse në politikë dhe që vlen më shumë se fjalët. Edhe një herë dua të falënderoj popullin serb për miqësinë e tij si në vitin 1938 ashtu edhe në vitin 1968 dhe shpresoj që miqësia jonë të vazhdojë edhe në të ardhmen. Dua që t'i kthehemi bashkëpunimit ndërkombëtar dhe prandaj kërkova falje dy vjet më parë gjatë vizitës së Vuçiqit në Pragë se, edhe pse jemi anëtare të NATO-s, kemi dhënë pëlqimin që avionët që bombarduan Jugosllavinë të fluturojnë sipër. E vlerësoj që edhe Serbia e dënoi agresionin rus në Ukrainë, sepse asnjë shtet nuk mund të lejohet të sulmojë fqinjin e tij. Kohët e fundit kam diskutuar për këtë në Kinë dhe besoj se Kina, Serbia dhe Turqia mund të luajnë rolin e ndërmjetësve”, tha Zeman.