Petronijeviq: Po mundohen të fshehin spiunet që japin informacione konfidenciale, prandaj u plaçkitën banesat e gjyqtarëve për krimet e UÇK-së
Me rastin e shkrimit të gazetës franceze “Le Journal du Dimanche” për bastisjen e banesave të dy gjyqtarëve të Gjykatës Speciale dhe marrjen e kompjuterëve me të dhëna sensitive lidhur me gjykimin për krime lufte të ish-liderëve të UÇK-së, deklaron avokati Goran Petronijeviq se “ka mundësi që kjo të ketë ndodhur për të fshehur identitetin e atyre që i japin mbrojtjes informacione konfidenciale, si dhe se kjo mund të ndikojë në rrjedhën e mëtejshme të gjykimit”.
Petronijeviq thekson se kjo nuk është hera e parë që po ndodh diçka e tillë dhe kujton rastin kur të dhëna sensitive janë dorëzuar në ambientet e një veterani të UÇK-së.
“Asnjë kompjuter nuk është vjedhur atëherë”, thotë bashkëbiseduesi ynë.
Avokati i njohur beogradas tregon se nuk pret reagim nga Gjykata Speciale.
Opljačkani stanovi sudija za zločine OVK, ukradeni kompjuteri sa osetljivim podacima
“Ata nuk kanë reaguar as herën e kaluar, përveç se kanë ndjekur penalisht ata që i kanë publikuar të dhënat, por jo ata që i kanë vjedhur, që është marrëzi”, thotë Petronijeviq.
Gjyqi i ish-liderëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi duhet të fillojë më 1 mars.
Thaçi, Veseli, Selimi dhe Krasniqi u akuzuan për krime lufte dhe krime kundër njerëzimit.
Ata janë ndaluar në Hagë që nga nëntori i vitit 2020 dhe janë deklaruar të pafajshëm për krimet për të cilat akuzohen.
Sipas aktakuzës fillestare, Thaçi, Veseli, Krasniqi dhe Selimi akuzoheshin për krime lufte, privim të paligjshëm ose arbitrar të lirisë, trajtim mizor, torturë, vrasje dhe krime kundër njerëzimit dhe krime të tjera.
komentet