Dy djem serbë të plagosur në Gotovushë ndërsa mbanin buzmin, një shqiptar qëlloi mbi ta

Dy djem serbë, të afërmit Stefan Stojanoviq (11) dhe Millosh Stojanoviq (21) janë plagosur sot në Gotovushë afër Shtërpcës, kur është mbi ta, pa asnjë arsye, një shqiptar vendas ka qëlluar nga një veturë në lëvizje, ka njoftuar Zyra për Kosovë dhe Metohi e Qeverisë së Serbisë.

Sipas raportimeve, fëmijët ishin duke ecur në anë të rrugës në momentin e sulmit, duke mbajtur buzmin , kur sulmuesi hapi zjarr ndaj tyre.

“Ata kanë marrë plagë me armë zjarri, njëri djalë u qëllua në dorë dhe tjetri në shpatull dhe ishte vetëm për fat që ata nuk u vranë ose nuk u rrezikuan. Në këtë moment ata janë transportuar në Qendrën Spitalore Klinike në Graçanicë ku do të marrin kujdesin më të mirë të mundshëm.

"Është një përpjekje e dukshme për të vrarë fëmijë të pafajshëm serbë, të cilët shqetësoheshin vetëm sepse mbanin buzmin në duar dhe kështu treguan qartë se ishin serbë”, thuhet në njoftim.

Edhe pse disa dëshmitarë okularë panë regjistrimin e automjetit nga i cili u qëlluan, Policia lokale ka liruar automjetin.

“Ky lloj sulmi është pasojë e drejtpërdrejtë e politikës antiserbe të Albin Kurtit i cili me sjelljen dhe lëvizjet e tij inkurajon të gjithë ata që duan gjak serb, qoftë edhe për Krishtlindje. Kërkojmë reagim urgjent dhe vendimtar nga bashkësia ndërkombëtare, ndërsa Zyra për Kosovë dhe Metohi do t'u ofrojë familjeve dhe të lënduarve të gjithë ndihmën e nevojshme”, thuhet në njoftim.