Mëngjesi i Buzmit në Mitrovicën e Veriut me urime për shëndet dhe paqe

Mëngjesi i Buzmit në Mitrovicën e Veriut tradicionalisht shënohet me prerjen e buzmit, me këngë të vjetra serbe, bukë, peshk dhe gjellë kreshimore dhe një gotë pije, si dolli për një vit të bereqetshëm.

Mëngjesin e sotëm, numri më i madh i qytetarëve vendosën të shkojnë në pyll dhe të presin buzmin, të paktën kështu thonë shitësi rrugësh, të cilët këtë vit janë më shumë se vitet e kaluara.

Për ata që vendosën të ngrihen pak më vonë, njerëzit nga komunat përreth, kryesisht nga Leposaviqi dhe Zubin Potoku, u siguruan që të blejnë buzmin.

Rruga qendrore e Mbretit Pjetrës është e mbushur plot me shitës e blerës dhe siç na thanë, buzmi për Krishtlindje nuk ka çmimin.

“Aq sa jep Zoti, aq kushton buzmi, dhe blerësit e zgjedhin vetë”, na thanë shitësit.

Përveç buzmit, në tezga u gjetën edhe dekorime të ndryshme, dhe përveç kësaj ka kashtë, drithë, verë dhe gjithçka që duhet të përbëjë tryezën kreshimore për Natën e Krishtlindjes dhe pritjen e festës më të gëzuar të krishterë, Krishtlindjeve.

Shitësit me të cilët kemi biseduar thonë se dëshirat e tyre janë të ndryshme këtë vit. Atë që ia dëshirojnë vetes, ia uruan të tjerëve, mbi të gjitha shëndet, lumturi dhe paqe e liri.