Mihajlloviqi lirohet nga paraburgimi, të cilin prokuroria e akuzon për përfshirje në vrasjen e Olliver Ivanoviqit

Millan Mihajlloviq nga Leposaviqi, i cili u arrestua tetorin e kaluar me dyshimin se ka marrë pjesë në vrasjen e Olliver Ivanoviqit, të kryer në janar të vitit 2018, është liruar sot nga paraburgimi pas pesë muajsh, mëson Kosovo online.

Prokuroria Speciale e Kosovës ka bërë të ditur në tetor që M.M. ka marrë pjesë në organizimin e grupit kriminal të përfshirë në vrasjen e kreut të Nismës Qytetare “Serbi, Demokraci, Drejtësi”.

“I dyshuari M.M., si pjesëtar i dyshuar i grupit të organizuar kriminal ka marrë pjesë aktive në ekzekutimin e veprës penale, duke marrë pjesë në organizimin e një grupi të organizuar kriminal të përfshirë në vrasjen e Olliver Ivanoviqit, së bashku me të dyshuar të tjerë”, kishte deklaruar atëherë Prokuroria Speciale.