Suhodoll: Katër shqiptarë kanë sulmuar një të ri serb duke e rrahur në rrugë

Katër shqiptarë kanë sulmuar Llazar Millutinoviqin (15) herët në mëngjes, sot në Suhodoll, duke e rrëzuar dhe shkelmuar në rrugë.

Siç ka thënë për Kosovo Online, babai i Llazarit, Zllatibor, sulmi ka ndodhur në udhëkryqin në Suhodoll, kur katër sulmues me një Golf 5 të zi e kanë kapur Llazarin dhe e kanë sulmuar atë vetëm pse ishte serb.

“U nis në këmbë nga Suhodoll për në punë, pranë tij kaloi një makinë, e pyetën diçka në shqip, ai nuk di shqip, shkoi drejt, u kthyen, të katër u hodhën nga makina, ai tentoi të ikte, por rrëshqiti dhe e shkelmuan vetëm se është serb”, tha Zlatibor.

Ai shtoi se sipas Llazarit, sulmuesit ishin rreth 27-28 vjeç.

Ai tha se Llazari ka hematoma në kokë dhe se është dërguar menjëherë në spital, ku janë bërë skanimet dhe ekzaminimi dhe Llazari është dërguar për mjekim shtepiak.
Rasti është raportuar në Stacionin Policor të Mitrovicës Jug.
“Kemi qëndruar tre orë në stacion të bëjmë deklaratë pa asnjë nevojëm sepse nuk kanë përkthyes”, tha Zllatibor Millutinoviq.