Alia: Shqipëria dhe Kosova kërkojnë që Dhomat e Specializuara të marrin një vendim të bazuar në prova të besueshme

Kuvendi i Kosovës miratoi së fundmi një rezolutë duke u kërkuar Dhomave të Specializuara dhe Zyrës së Prokurorit Special në Hagë të zhvillojnë një gjykim të drejtë kundër ish-udhëheqësve të UÇK-së, Parlamenti i Shqipërisë bëri të njëjtën gjë, dhe avokati Amer Alia nga Fondi i së Drejtës Humanitare beson se në këtë mënyrë Prishtina dhe Tirana u dhanë mbështetje të plotë të akuzuarve në Hagë.

"Është, në një farë mënyre, mbështetje për pjsëtarët e UÇK-së, dhe një kërkesë për të respektuar të drejtat e njeriut në procedurat para Dhomave të Specializuara të Kosovës në Hagë," tha Alia për Kosovo online.

Ai i sheh rezolutat e lartpërmendura në parlamentet e Kosovës dhe të Shqipërisë para së gjithash si një kërkesë që vendimi në Hagë të merret në bazë të provave të besueshme.

"Para së gjithash, është një deklaratë se të drejtat e njeriut respektohen, dhe kur dëgjojmë deklaratat e politikanëve dhe të gjithë të tjerëve, ata u japin mbështetje të plotë të akuzuarve që po gjykohen në Hagë," thotë Alia.

Para Dhomave të Specializuara të Kosovës në Hagë, të mërkurën, të pandehurit - Hashim Thaçi, Kadri Veseli, Jakus Krasniqi dhe Rexhep Selimi - dhanë argumentet e tyre përfundimtare. Ish-udhëheqësit e UÇK-së i hodhën poshtë edhe një herë të gjitha akuzat nga aktakuza dhe kërkuan lirim nga akuzat.