Ambasada Gjermane: Seulmet personale ndaj gjyqtarëve janë të papranueshme, minojnë besimin në Gjykatën Kushtetuese

Ambasada Gjermane në Prishtinë ka theksuar, në një përgjigje për Kosovo online, se sulmet ndaj gjyqtarëve janë të papranueshme dhe se minojnë besimin në Gjykatën Kushtetuese dhe pavarësinë e saj. Siç u theksua, pretendimet kundër gjyqtarëve të emëruar në mënyrë demokratike duhet të paraqiten në mënyrë të qartë dhe të rregullt, në përputhje me procedurat ligjore përkatëse.

Ambasada Gjermane në Prishtinë ka theksuar, në një përgjigje për Kosovo online, se sulmet ndaj gjyqtarëve janë të papranueshme dhe se minojnë besimin në Gjykatën Kushtetuese dhe pavarësinë e saj. Siç u theksua, pretendimet kundër gjyqtarëve të emëruar në mënyrë demokratike duhet të paraqiten në mënyrë të qartë dhe të rregullt, në përputhje me procedurat ligjore përkatëse.

Me rastin e akuzave që autoritetet në Kosovë kanë bërë kundër gjyqtarit të Gjykatës Kushtetuese Radomir Laban, si dhe vendimit të kësaj gjykate lidhur me konstituimin e kuvendit, ambasada gjermane ka theksuar se është me rëndësi jetike që Gjykata Kushtetuese të jetë në gjendje ta zbatojë mandatin e saj në mënyrë të pavarur.

“Si një institucion kyç demokratik në një vend të pavarur, është me rëndësi jetike që Gjykata Kushtetuese e Kosovës të jetë në gjendje të zbatojë mandatin e saj në mënyrë të pavarur. Sulmet personale ndaj gjyqtarëve – vetëm pse nuk u pëlqen vendimi i tyre – janë të papranueshme dhe minojnë besimin në gjykatë dhe pavarësinë e saj. Pretendimet kundër gjyqtarëve të emëruar në mënyrë demokratike duhet të paraqiten në mënyrë të qartë dhe të rregullt, në përputhje me procedurat ligjore përkatëse”, theksoi ambasada gjermane.

Ata shtuan se ambasada me shqetësim vëzhgon akuzat me motive politike që pengojnë punën efektive të Gjykatës Kushtetuese.

“Ne e mbështesim plotësisht Gjykatën Kushtetuese dhe me shqetësim vëzhgojmë akuzat me motive politike që pengojnë punën e saj efektive, veçanërisht në një kohë kur parlamenti ende nuk ka arritur të përmbushë detyrimin e tij për të përfaqësuar qytetarët që kanë votuar më shumë se gjashtë muaj më parë”, përfundon përgjigja e ambasadës gjermane.