BPS për ndalimin e automjeteve në Jarinje: Për dinarin jemi të vetmit përgjegjës, gjithçka është e drejtuar kundër ekzistencës së serbëve

Në lidhje me deklaratat e fundit të institucioneve në Prishtinë lidhur me pamundësinë e djeshme të futjes së dinarëve për pensione dhe përfitime sociale, Banka Popullore e Serbisë ka theksuar se është e vetmja kompetente për të vendosur për përdorimin e dinarëve.

“Njoftojmë opinionin se mjetet e cekura kanë qenë të dedikuara për pagesën e nevojshme të pagave, pensioneve, përfitimeve sociale dhe pagesave tjera për serbët në territorin e Kosovës dhe Metohisë dhe se institucionet e përkohshme të vetëqeverisjes duke e ndërprerë transportin e përmendur edhe një here treguan se qëllimi i tyre i vërtetë është t'i mohojnë kushtet elementare të jetës së popullatës serbe në Kosovë dhe Metohi”, thuhet në komunikatën e BPS.

Mjetet e nevojshme të dinarëve janë dërguar në kasafortën e Bankës Popullore të Serbisë në Leposaviq, duke përdorur veturën e Bankës Popullore të Serbisë, e cila, kujtojnë ata, është institucioni i vetëm kompetent emetues i autorizuar për të vendosur për përdorimin e dinarëve në gjithë territorin e Republikës së Serbisë.

Në përputhje me praktikën e zakonshme të kahershme, mjetet janë dërguar në vendkalimin Jarinje me një automjet të Bankës Popullore të Serbisë, ku paratë është dashur të merren nga automjeti i kompanisë "Henderson", e cila ka një licencë nga institucionet e Kosovës për transport të parave, për transport të mëtutjeshëm, por është kthyer pa asnjë shpjegim.

“Ndalimi i djeshëm i transportit të nevojshëm të dinarëve, i cili u zbatua nga Banka Popullore e Serbisë, konfirmoi synimin e institucioneve të përkohshme të Prishtinës që, përkundër thirrjeve të bashkësisë ndërkombëtare, të fillojnë zbatimin e masave të paligjshme dhe të egër që nga 1 shkurti 2024, me qëllimin e vetëm dhe pengimin e transportit të qetë dhe shpërndarjes së dinarëve dhe qasjes në mjetet elementare të jetesës për qytetarët e Kosovës dhe Metohisë”, thuhet në njoftim.

Theksohet se masat e miratuara janë ekskluzivisht të motivuara politikisht dhe etnikisht dhe janë në kundërshtim me çdo praktikë profesionale krahasuese.

“Ata janë të panjohur në asnjë sistem financiar që është fare në përputhje me standardet ndërkombëtare, gjë që flet shumë për gjoja “pavarësinë” e institucionit të përkohshëm në Kosovë e Metohi që ka miratuar një masë të tillë”, thuhet në deklaratë.

Shtohet se vendosja e detyrimit për marrjen e lejeve individuale, në vend të raportimit, për çdo hyrje të mjeteve përmes linjës administrative, dhe atë vetëm një institucioni financiar që ka leje të posaçme nga Prishtina, në një situatë ku NLB Komercijalna banka - Dega në Mitrovicën e Veriut pas presioneve disavjeçare nga Prishtina institucioni u detyrua të mbyllë degët e tij, dëshmon për synimin e vërtetë të institucioneve të Prishtinës për krijimin e kushteve të padurueshme të jetesës për të gjithë qytetarët e Kosovës që të marrin të ardhura në dinarë.

“Mjafton të theksohet se vetë përfaqësuesit e atyre institucioneve në deklaratat e tyre kanë pranuar se deri më tani transporti i dinarëve për në Kosovë dhe Metohi ka qenë i lejuar, ka funksionuar në mënyrë transparente dhe se janë njohur me mënyrën dhe sasinë e dinarëve që janë transportuar, pra ata kundërshtojnë përpjekjet jokoherente ndaj masave paraqiten si masa që synojnë ruajtjen e integritetit të sistemit financiar dhe monetar, veçanërisht duke pasur parasysh se deklarata të tilla bëhen nga një i ashtuquajtur institucion që nuk emeton monedhën e vet, dhe deklaron euron si valutë zyrtare dhe i vetmi mjet pagese pa autorizim dhe nuk disponon instrumente të politikës monetare”, theksojnë nga BPS.

Ata thonë se për Bankën Popullore të Serbisë, përpjekjet e institucioneve në Prishtinë për të reduktuar bisedimet e mëtutjeshme, me qëllim të mirëqenies së supozuar të të gjithë qytetarëve në Kosovë që fitojnë të ardhura në dinarë, në nivel të bisedimeve teknike dhe me synimi për të pranuar dhe legjitimuar masat e njëanshme dhe të dhunshme që janë ndërmarrë tashmë.

“Gatishmëria e supozuar për bisedime dhe përkujdesje ndaj popullatës serbe të institucioneve të përkohshme është ilustruar më së miri nga mënyra se si janë miratuar masat e lartpërmendura, jashtë syrit të publikut dhe pa diskutim publik, në të cilin popullata shqiptare nuk ishte e përfshirë e lëre më përfaqësuesit e serbëve në Kosovë e Metohi dhe me gjithë këtë dhe përtej procesit të dialogut”, thonë ata.

Konstatohet se për të gjitha arsyet e cekura, Banka Popullore e Serbisë e konsideron të nevojshme shfuqizimin e menjëhershëm të masave diskriminuese, të paligjshme dhe skandaloze të ndërmarra nga institucionet në Prishtinë.

“E vetmja gjë e mundshme është të insistohet në formatin politik të bisedimeve dhe se nuk mund të flitet për marrëveshje ndërmjet institucioneve të përkohshme të vetëqeverisjes në Kosovë dhe Metohi me Bankën Popullore të Serbisë, por kjo çështje duhet të zgjidhet ekskluzivisht në kuadër të dialogut në nivelin ekzistues”, përfundojn nga BPS.