Çoviq: Baza e demokracisë së Kurtit është represioni ndaj serbëve

Ish-kryetari i Qendrës Koordinuese për Kosovë dhe Metohi, Nebojsha Çoviq, tha sot se deklarata e kryeministrit Albin Kurti se lista Srpska do të "vuaj dhe do të paguajë" tregon se qëllimi i tij është spastrimi etnik i serbëve dhe se ai mbetet i përkushtuar ndaj idesë të formimit të një “Shqipërie të madhe”, raporton Pink.

“Përgjithësisht dihet se cilit grup i përket Kurta dhe si është sjellja e tij. Ai si nxënës i Demaçit është i kënaqur me projektin e “Shqipërisë së Madhe”. Jemi në një fazë ku po tentohet realizimi i “Shqipërisë së Madhe”. Demokracia e tij dhe sundimi i ligjit në thelb kanë një represion dhe presion të vazhdueshëm ndaj komunitetit serb në Kosovë dhe Metohi, madje është një përpjekje për spastrim etnik të serbëve nga KdheM, sipas parimit pse po protestoni kur atje nuk jeni”, tha Çoviç.

Ai ka vlerësuar se diplomatët e huaj që merren me Kosovën janë në problem dhe nuk dinë si të arrijnë te kryeministri i Kosovës.

“Natyrisht, ata nuk e dinë më se çfarë të bëjnë me Kurtin. Ata nuk vendosën sanksione sepse kjo kërkon një vendim unanim, morën masa, por nuk dhanë rezultat. Ata kanë disa instrumente, siç është heqja e Regjimi pa viza, por për atë po proteston Gjermania”, tha ai.

Çoviq tha se bëhen marrëveshje që nuk zbatohen - ka vetëm premtime dhe veprime mashtruese.

"Në të njëjtën kohë po projektohet një realitet i ri, po formohet policia, po armatoset, po formohet një lloj forca sigurie. Asgjë nuk është zbatuar, por është krijuar një realitet i ri", theksoi Çoviq.