Daçiq i ka përsëritur Flesenkemperin qëndrimin e Serbisë për kërkesën e Kosovës për anëtarësim në KE

Zëvendëskryeministri i Parë dhe Ministri i Punëve të Jashtme të Republikës së Serbisë, Ivica Daçiq, ka takuar sot Shefin e Zyrës së Këshillit të Evropës në Beograd, Tobias Flesenkemper, të cilit i ka ripërsëritur qëndrimin e Serbisë lidhur me papranueshmërinë e kërkesës së Kosovës për anëtarësim në Këshillin e Evropës, thuhet në njoftimin e Ministrisë.

Gjithashtu, duke pasur parasysh se në prill të vitit 2023, Serbia shënon 20 vjet nga pranimi i saj në Këshillin e Evropës, u diskutua për aktivitetet që do të organizoheshin me këtë rast në Beograd dhe Strasburg.

Flesenkemper e uroi Daçiqin për emërimin e tij si Zëvendëskryeministër i Parë dhe Ministër i Punëve të Jashtme dhe në të njëjtën kohë përcolli përshëndetjet e Sekretares së Përgjithshme të Këshillit të Evropës, Marija Pejçinoviq-Buriq.

U shpreh pritshmëri e ndërsjellë që bashkëpunimi i suksesshëm i deritanishëm do të vazhdojë.