Elshani: Popoviqit i është caktuar paraburgim prej 48 orësh

Zëvendësdrejtori i policisë për rajonin e Veriut, Veton Elshani, i tha Kosovo online se Igor Popoviqit, ndihmësdrejtori i Zyrës për KdheM përgjegjës për çështjet ligjore, është caktuar paraburgim për 48 orë.

"Igor Popoviqit është caktuar masa e paraburgimit prej 48 orë. Prokuroria Speciale dhe Zyra e Drejtorit për Krime të Rënda Penale në Prishtinë po merren me rastin", tha shkurt Elshani, duke shtuar se Popoviq është në paraburgim në jug të Ibrit.

Elshani shtoi se pas paraburgimit 48-orësh, Popoviq do të nxirret para gjyqtarit.

"Gjykata mund të vendosë për dëbimin ose diçka tjetër, por kjo nuk varet nga ne", tha Elshani.

Igor Popoviq u paraburgos mbrëmë në Kosovë për shkak se bëri një deklaratë pasi përkujtoi viktimat serbe në Rahovec.

"Kjo është si të përpiqesh të mbash një fjalim në Golgota në Jerusalem, ku vdiq Krishti. Vëllezërit tanë vdiqën sepse terroristët e UÇK-së nuk donin serbë në këtë zonë, dhe duke i ekzekutuar ata donin të frikësonin pjesën tjetër të popullsisë serbe që ta linin këtë zonë. Gjithashtu dhemb që terroristët dhe organizatorët, autorët e krimit, nuk janë gjetur dhe ndëshkuar gjatë gjithë këtyre viteve, edhe pse shohim se e gjithë Gaza po shkatërrohet për një krim të ngjashëm të rrëmbimit të civilëve izraelitë. Pavarësisht të gjitha grupeve ndërkombëtare të hetuesve të UNMIK-ut, EULEX-i dhe Tribunali i Hagës nuk e kanë gjykuar dhe ndëshkuar, por UÇK-ja ende etiketohet si një organizatë çlirimtare dhe luftëtarë të lirisë", ka thën Popoviq.