Eskobar në Ambasadën e Serbisë në SHBA: Dijeni se ne jemi me ju në trishtimin tuaj

I dërguari special i Shteteve të Bashkuara të Amerikës për Ballkanin Perëndimor, Gabriel Eskobar, është nënshkruar sot në Librin e Zisë, i cili u hap në Ambasadën e Serbisë në SHBA pas tragjedisë në shkollën fillore "Vladislav Ribnikar" në Beograd dhe krimit në Mlladenovac.

"Popullit të Serbisë - Në emër të popullit amerikan dhe emrit tim, shpreh ngushëllimet e mia më të thella në këtë ditë zie. Dijeni se në trishtimin tuaj ne jemi me ju në miqësi. Përgjithmonë miku juaj, Gabriel Eskobar SHBA", shkroi Eskobar në Librin e Zisë.

Përndryshe, flamujt serbë në Ambasadën në Uashington, si dhe në ndërtesën e Misionit në Nju Jork dhe konsullatat në Nju Jork dhe Çikago janë ulur në gjysmështizë për shkak të tri ditëve zie në Serbi.

Qytetarët e Uashingtonit këto ditë kanë lënë lule dhe lodra para Ambasadës së Serbisë.

Librat e Zisë u hapën edhe në konsullatat në Nju Jork dhe Çikago.