Eulex për Ellezoviqin: Do të vazhdojmë ta ndjekim rastin, ai ka të drejtë për ndihmën adekuate mjekësore

EULEX-i është plotësisht i përkushtuar për të mbështetur institucionet e Kosovës në përmbushjen e obligimeve të tyre në fushën e të drejtave të njeriut. Personave të privuar nga liria kanë të drejtë të trajtohen në mënyrë njerëzore dhe t'u sigurohet ndihma e duhur mjekësore, thuhet në përgjigjen e këtij misioni në pyetjen e Kosova online se duhet të komentojnë letrën e dërguar nga Zyra për Kosovë dhe Metohi drejtuar kreut të EULEX-it, Gjovani Pjetro Barban, lidhur me gjendjen e keqe shëndetësore, trajtimin dhe pozitën të Illija Ellezoviqit.

Ellezoviq, i cili ka qenë në paraburgim për gati një muaj nën akuzat për krime të dyshuara lufte, është një pacient i rëndë onkologjik në fazë të avancuar të sëmundjes dhe në burg nuk ka kushtet për të marrë terapinë dhe kujdesin e nevojshëm shëndetësor, prandaj Zyra për Kosovë dhe Metohi ka kërkuar që ndaj tij të miratohet masa e arrestit shtëpiak deri në përfundim të procedurës.

Në përgjigjen e EULEX-it, theksohet se më 25 shtator, përfaqësuesit e tij kanë vizituar I.E. (Illija Ellezoviqin) dhe se Misioni është në kontakt me Avokatin e Popullit të Kosovës për të tërhequr vëmendjen e tyre për këtë rast, si dhe për të vazhduar ndjekjen e rastit në detaje.

Në përgjigjen e mëtutjeshme të EULEX-it thuhet se “të gjithë të akuzuarit për vepër penale kanë të drejtë në gjykim të drejtë”.

“Paraburgimi në gjykatë – si masë për të siguruar praninë e të pandehurit në gjyq – duhet të përdoret si mjeti i fundit. Në kryerjen e aktiviteteve të tij monitoruese, EULEX-i i përmbahet parimit të mosndërhyrjes. Gjykatat e Kosovës janë plotësisht përgjegjëse për të vendosur për zbatimin e masave të sigurisë dhe, duke e bërë këtë, duhet t'i përmbahen ligjit në fuqi të Kosovës dhe standardeve të të drejtave të njeriut. Në bazë të sa më sipër, në përputhje me mandatin e tij, EULEX-i mbështet përpjekjet e Shërbimit Korrektues të Kosovës për të zhvilluar një ekip profesional drejtues përmes monitorimit, mentorimit dhe këshillimit. Në këtë mënyrë, Misioni mundëson praninë e rregullt dhe mobile të ekspertëve korrektues të EULEX-it në të gjitha institucionet korrektuese në Kosovë, ku EULEX-i mund të vizitojë të paraburgosurit e përzgjedhur për të monitoruar kushtet e paraburgimit të tyre”, thuhet në përgjigje.