Gazetarja e Kosova Online u hodh nga ndërtesa e komunës së Zveçanit nga forcat speciale të PK-së “sepse është serbe”.

Rreth orës 12:30, gazetarja e portalit Kosovo online është hedhur jashtë nga ndërtesa e komunës së Zveçanit nga tre pjesëtarë të njësisë speciale të Policisë së Kosovës me shpjegimin se “ajo është serbe dhe duhet të dalë jashtë”.

Para kësaj, gazetarja jonë, me lejen e pjesëtarëve të KFOR-it, së bashku me një grup gazetarësh të mediave shqiptare, hyri në sallën e shtypit të ndërtesës së komunës.

Mirëpo, menjëherë pas kësaj i është afruar një polic, i cili me zë të lartë ka deklaruar se është serbe dhe i ka thënë se duhet të dalë jashtë. Pas tij janë shfaqur edhe dy oficerë specialë të cilët e kanë përcjellë gazetaren nga Kosovo Online deri në dalje të ndërtesës së komunës.

Ndryshe, në objekt ka një numër të konsiderueshëm të forcave speciale të Kosovës, të cilët janë ulur nëpër korridore dhe dhoma zyrtare.

Nuk e dimë se çfarë do të ndodhë në sallën e shtypit, dhe për çfarë arsye lejohen të jenë vetëm gazetarët shqiptarë, por është skandal i madh që hyrja në ndërtesën e komunës është e ndaluar vetëm për gazetarët serbë.