Gjukiq: Shkuarja e Vuçiqit në Briks do të shkaktonte një sërë presionesh të reja ndaj Serbisë

Sreçko Gjukiq, ish-diplomat dhe anëtar i Forumit për marrëdhënie ndërkombëtare të lëvizjes Evropiane në Serbi, beson se vendimi që presidenti serb Aleksandar Vuçiq të mos marrë pjesë në Samitin e Briksit ishte i pritshëm, veçanërisht pas bisedës së tij telefonike me presidentin rus Vladimir Putin.

“Për mua ishte e qartë se nuk do të shkonte, se i peshonte të gjitha të mirat dhe të këqijat dhe doli në përfundimin se nuk kishte nevojë të shkonte, se shkuarja do të shkaktonte një sërë reagimesh negative, pyetje, presione të reja nga parti të ndryshme. Mendoj se ai konkludoi saktë se asgjë nuk do të ndodhë në Briks, se është një tubim i madh politik me karakter global, se do të ketë një diskutim për tema globale”, thotë Gjukiq.

Sipas tij, më mirë është që nënkryetari i qeverisë serbe të shkojë atje i shoqëruar nga ministra, sepse një formacion i tillë ka potencial të lartë. Bashkëbiseduesi vëren se në këtë samit nuk do të ndodhë asgjë spektakolare sepse po mbledh vende me kapacitete, ekonomi dhe financa të ndryshme.

“Pavarësisht se sa janë dakord të gjithë për disa parime, është e vështirë të gjendet një zgjidhje konkrete. Tani do të krijojnë një monedhë, pra paratë Briksit, dhe ky është një proces që kërkon shumë mund dhe shumë kohë, nuk bëhet brenda natës”, beson ai.

Siç thekson ai, ishte e nevojshme të peshohej potenciali i bashkëpunimit me Bashkimin Evropian dhe SHBA, si dhe rëndësia e këtij bashkëpunimi në këtë moment dhe në të ardhmen, si dhe me Kinën sepse marrëdhëniet financiare dhe ekonomike janë në nivel të lartë.

"Për momentin, ne jemi partnerë shumë më të rëndësishëm për Rusinë sesa që është ajo për ne. Kjo mund të tingëllojë si pretencioze për disa, por kjo është situata. Objektivisht, Serbia është e vetmja dritare e Rusisë drejt Evropës. Serbia nuk ka vendosur sanksione. Një gjë tjetër, objektivisht Serbia nuk është më aq e varur nga Rusia për energji”, thotë Gjukiq.

Ai beson se do të ketë ndryshime të mëdha kur të përfundojë kontrata mes Rusisë dhe Ukrainës për shfrytëzimin e sistemit të gazsjellësit, gjë që mund të jetë “relaksuese” për Serbinë.

“Ne pamë nga pala ruse një kuptim të plotë të pozitës së Serbisë në nivelin më të lartë. Vetë Putini ka thënë se ajo që është e mirë për Serbinë është e mirë edhe për Rusinë dhe se Rusia dhe politika zyrtare ruse nuk kanë asnjë kundërshtim dhe as nuk munden të ketë”, thotë Gjukiq.