Gjuriq dënon heqjen e shkrimit cirilik në Mitrovicën e Veriut: Nxitje e qëllimshme e urrejtjes dhe intolerancës fetare

Ministri i punëve të jashtme të Sërbisë Marko Gjuriq ka dënuar heqjen e mbishkrimeve cirilike “Të dua Mitrovica e K” me gërma cirilike në Mitrovicën e Veriut dhe theksoi se bëhet fjalë për provokim të qëllimshëm që ndikon tek urrejtja fetare e etnike, diskriminon komunitetin sërb dhe paraqet sulm të hapur ndaj identitetit dhe besimit të saj fetar.

"Heqja forcërisht e mbishkrimit me emrin e qytetit të Kosovska Mitrovica/Mitrovica Veriore në gjuhën sërbe, në zemër të këtij komuniteti me shumicë sërbe, nga regjimi i aparteidit të Kurtit, nuk është akt administrativ neutral, por provokim i qëllimshëm që nxit urrejtje etnike dhe fetare. Veprim i tillë është një shprehje e qartë e diskriminimit sistemik kundër popullit sërb në Mitrovicën e Kosovës/Mitrovicë", tha Gjuriq në rrjetin social "X".

Ai shtoi se zëvendësimi i zemrës së kuqe me të gjelbër është, sikurse tha, po aq shqetësues, përcjell direkt mesazh komunitetit kristian në Mitrovicë. Vlerësoi se nuk ishte vetëm fshirje simbolike e gjuhës dhe identitetit, por dhe akt i hapur i intolerancës fetare.

"Ky vendim është thellësisht jodemokratik, kundër vullnetit të komunitetit vendor, në kundërshtim me parimet e multikulturalizmit, tolerancës dhe respektit për diversitetin që supozohet se përfaqësojnë institucionet e përkohshme të Kosovës. Synimi i identitetit të një komuniteti, tregon mungesë respekti për sundimin e ligjit dhe përbuzje për vlerat europiane të barazisë dhe dinjitetit njerëzor", theksoi ministri.

Gjuriq tha se Sërbia u bën thirrje partnerëve ndërkombëtarë që të reagojnë ndaj praktikave diskriminuese që kërcënojnë paqen e brishtë dhe margjinalizojnë më tej popullin sërb në Kosovë.

"Në vend që të inkurajojnë pajtimin dhe bashkëjetesën, veprime të tilla thellojnë përçarjet dhe përhapin mosbesimin. Sërbia do të vazhdojë të mbrojë vazhdimisht mbrojtjen e të drejtave, kulturës dhe dinjitetit të popullit të saj në Kosovë e Metohi dhe nuk do të qëndrojë vuvace para tentativave të tilla të qarta për fshirjen e identitetit dhe fenë e tyre", shkruan Gjuriq.