Gjuriq me Bocan-Harçenkon: Mbështetja e fortë e Rusisë në kornizën ndërkombëtare për çështjen e Kosovës

Ministri i Punëve të Jashtme të Serbisë, Marko Gjuriq, ka zhvilluar sot një bisedë me ambasadorin e Rusisë në Beograd, Aleksandar Bocan-Harçenko, për fusha të ndryshme të bashkëpunimit dypalësh.

Gjuriq përsëriti mirënjohjen e Serbisë për qëndrimin parimor të Rusisë në mbrojtjen e sovranitetit dhe integritetit territorial të Serbisë, si dhe për mbështetjen e fortë në kuadër ndërkombëtar kur bëhet fjalë për Kosovën.

Duke theksuar lidhjet kulturore, shpirtërore dhe historike midis dy popujve, shefi i diplomacisë serbe shprehu besimin se marrëdhëniet do të ruhen dhe do të zhvillohen më tej në frymën e lidhjeve tradicionalisht të ngushta.

Ambasadori Bocan-Harçenko i dorëzoi ministrit Gjuriq një urim nga ministri i Jashtëm rus, Sergej Lavrov, me rastin e rizgjedhjes së tij në postin e ministrit të Punëve të Jashtme të Serbisë.