Gjuriq me Sorensen: Prishtina me këmbëngulje refuzon të përmbushë detyrimet e marra nga Marrëveshja e Brukselit

Ministri i Jashtëm i Serbisë, Marko Gjuriq, është takuar me Përfaqësuesin Special të sapoemëruar të Bashkimit Evropian për dialogun Beograd-Prishtinë, Peter Sorensen dhe me atë rast ka theksuar pozitën jashtëzakonisht të vështirë të popullit serb në Kosovë.

Gjuriq tha se Prishtina me këmbëngulje refuzon të përmbushë obligimet e marra nga Marrëveshja e Brukselit dhe se regjimi i Albin Kurtit ka deklaruar hapur se nuk dëshiron të mundësojë formimin e Bashkësisë së Komunave Serbe.

Gjuriq foli me Përfaqësuesin e ri Special të BE-së për dialogun Beograd-Prishtinë në margjinat e Konferencës së Sigurisë në Mynih. Duke shprehur kënaqësinë e tij për takimin e sotëm, Gjuriq e përgëzoi Sorensenin për marrjen e këtij posti, duke theksuar rëndësinë e tij si për Serbinë ashtu edhe për rajonin në tërësi, njoftoi Ministria e Punëve të Jashtme të Serbisë.

Ministri i Jashtëm serb theksoi se Beogradi pret bashkëpunim të mirë me Përfaqësuesin Special dhe se do të vazhdojë të jetë partner konstruktiv në dialog.

Ai shtoi gjithashtu se shpreson të takohet së shpejti në Beograd.

Gjatë bisedës, Gjuriq vuri në dukje pozitën jashtëzakonisht të vështirë të popullit serb në Kosovë dhe Metohi, duke thënë se Prishtina me këmbëngulje refuzon të përmbushë obligimet e marra me Marrëveshjen e Brukselit, dhe se regjimi i Albin Kurtit deklaroi hapur se nuk dëshiron të mundësojë formimin e Bashkësisë së Komunave Serbe – element kyç i Marrëveshjes së Parë të Brukselit”, thuhet në deklaratë.

Beogradi, siç theksoi ministri, pret që angazhimi i Përfaqësuesit Special të BE-së të drejtohet drejt krijimit të kushteve për zbatimin e marrëveshjeve dhe dialog produktiv në procesin e normalizimit të marrëdhënieve.

“Serbia është e interesuar për përparimin dhe zhvillimin e të gjitha komuniteteve në rajon”, tha Gjuriq.