Gjuriq në takimin "Miqtë e Ballkanit Perëndimor": Serbia mbështet procesin e Berlinit dhe Ballkanin e Hapur

Ministri i Punëve të Jashtme të Serbisë, Marko Gjuriq, në takimin joformal “Miqtë e Ballkanit Perëndimor” theksoi se Serbia është një partner i përgjegjshëm në rajon, si dhe se mbështet të gjitha iniciativat rajonale – si procesin e Berlinit ashtu edhe Ballkanin e Hapur.

Gjuriq ka falënderuar në rrjetin social “X” mikpritësin e takimit, ministrin e Jashtëm italian Antonio Tajani, i cili sot në mëngjes priti një tubim jozyrtar të Grupit "Miqtë e Ballkanit Perëndimor" me përfaqësues nga rajoni.

“Serbia vazhdon të jetë një partner i përgjegjshëm dhe konstruktiv në Ballkanin Perëndimor, duke treguar hapje dhe gatishmëri për bashkëpunim rajonal”, tha Gjuriq.

Konkretisht, thekson, në aspektin e politikës rajonale, përfaqësuesit diplomatikë të Serbisë po punojnë në mënyrë aktive për krijimin e një mjedisi miqësor për Serbinë në mënyrë që ajo të vazhdojë zhvillimin e saj ekonomik dhe të përgjithshëm shoqëror.

"Ne gjithashtu mbështesim proceset e integrimit rajonal, nga procesi i Berlinit deri te nisma jonë e bashkëpunimit të brendshëm që ka prodhuar tashmë rezultate - Ballkani i Hapur - duke mundësuar një treg të vetëm pune me fqinjët tanë Shqipërinë dhe Maqedoninë e Veriut”, theksoi Gjuriq.