Vuçiq: Prishtina kurrë nuk ka dashur dialog, ka vetëm një qëllim - dëbimin e serbëve

Presidenti i Serbisë, Aleksandar Vuçiq, ka theksuar sonte se përfaqësuesit e Prishtinës kurrë nuk kanë dashur dialog dhe se qëllimi i tyre kryesor është dëbimi i serbëve.

Vuçiq, për TV Pink, i pyetur për takimin e ri të djeshëm të negociatorëve të Serbisë dhe Kosovës në Bruksel, ka thënë se asnjëherë nuk ka pasur dialog dhe bisedë reale.

“Ata nuk kanë dashur asnjëherë dialog, ne as që kemi dhënë dorën. Asnjëherë nuk kemi pasur dialog dhe biseda reale. Gjithmonë u përpoqën të përdorin truket për të fajësuar Serbinë për diçka të keqe në fushë, gjithmonë me një dëshirë”, shpjegoi Vuçiq.

Ai theksoi se bëhet fjalë për persona që janë “enverhoxhistë”.

“Disa thonë se janë stalinistë, por nuk do ta shpërbleja veten me këtë. Është një ideologji anarkiste, marksiste, hoxhiste, qëllimi i parë i së cilës është dëbimi i serbëve, shkatërrimi i popullit serb në Kosovë e Metohi dhe gjithçka që mund të bëhet kundër Serbisë”, ka theksuar ai.

Ai tha se kur ka një qëllim të tillë, por nuk ka rezultate ekonomike dhe fabrika të reja, atëherë është e qartë se çfarë do të bëjnë.

“Ata nuk duan dialog dhe bisedime dhe thonë se janë shtet sovran dhe se nuk kanë çfarë të diskutojnë. Kur e sheh këtë, e dihet se je në një situatë të vështirë sepse e sheh që pala tjetër nuk dëshiron të flasë për asgjë”, shtoi ai.

Ai ka thënë se nuk beson se do të vijnë ditë të mira, por do të ketë probleme të panumërta.

“Ne po përgatitemi për kuvend, për masat tona, për të ndihmuar popullin tonë”, tha ai.

Vuçiq ka theksuar se ka parë që sot nga Prishtina kanë paralajmëruar hapjen e urës mbi Ibër gjatë gjithë ditës dhe ka thënë se do të shoh nëse NATO do ta mbajë fjalën që i dhanë Serbisë dhe nuk do të lejojë hapjen e urës.

I pyetur për drekën e punës, e cila do të organizohet nesër nga presidentja e Komisionit Evropian, Ursula von der Lejen, për liderët nga Ballkani Perëndimor, Vuçiq tha se ky është një takim i rëndësishëm ku do të diskutohet agjenda e rritjes dhe reformat e nevojshme për tregun e përbashkët evropian, që, shton ai, nënkupton tregun e mëparshëm të vetëm ballkanik.

“Besoj se do të jetë një takim i rëndësishëm ku presidenti i Komisionit Evropian do të tregojë se Marta Kos do të udhëheqë pjesën përgjegjëse për zgjerimin e BE-së dhe se do të njihemi me agjendën e re. Besoj se do të jetë një bisedë e drejtë dhe varet nga Prishtina dhe Sarajeva”, ka theksuar Vuçiq.

Për masat për Kosovën: Nuk po kërkojmë asgjë më shumë se sa është rënë dakord

Në deklaratën se pasi ka paraqitur masat për Kosovën, kanë nisur sulmet nga Prishtina, por edhe nga opozita, Vuçiq ka theksuar se i njëjti reagim do të ketë gjithmonë nga Prishtina, pavarësisht se çfarë vendimesh merr Serbia.

Është e rëndësishme, tha ai, që këto masa janë dëgjuar me kujdes nga miqtë e Serbisë në botë, nga Kina dhe Rusia, si dhe nga partnerët në Perëndim, të cilët, thekson ai, nuk kanë pasur kundërshtime, por tashmë kanë thënë se është e rëndësishme t'i kthehemi dialogut dhe rezultateve të dialogut.

Vuçiq theksoi se Serbia, duke kërkuar kthimin në "status quo ante", nuk po kërkon asgjë më shumë se sa është rënë dakord.

“Kërkojmë Bashkësinë e Komunave Serbe, Drejtorinë e Veriut për policinë rajonale, si dhe zgjedhje të qeta dhe demokratike në veri, e jo zgjedhjet me dalje prej tre për qind, që do të na thonë se është demokraci dhe standarde më të larta...”, tha presidenti i Serbisë.

Kjo, thotë ai, e plotëson vakumin ligjor, sepse disa vendime nuk janë të pavlefshme, por inekzistente, sepse janë marrë jashtë të drejtës ndërkombëtare publike dhe jashtë çdo gjëje të rregulluar me dialog.

"Ne i anulojmë ato vendime si inekzistente dhe e plotësojmë vakumin ligjor. Masat janë plotësisht legjitime dhe ligjore," tha Vuçiq.

Ai shtoi se përderisa masat e shqetësojnë Prishtinën, njerëzit në pjesën më të madhe të Kosovës janë entuziastë për to, veçanërisht në veri, edhe pse është i vetëdijshëm se ata jetojnë shumë rëndë.

Ai gjithashtu theksoi se asnjëherë nuk ka zgjidhje të mira apo të shkëlqyera dhe as që mund të dalë dikush me zgjidhje të tilla.

“Prandaj kjo është një mënyrë lufte serioze, e përkushtuar, e përgjegjshme, për të përfshirë në këtë problem gjithë Serbinë, siç do të bënin disa të tjerë...”, theksoi presidenti Vuçiq.

Sa i përket sulmit të opozitës ndaj masave të Kosovës, ai është përgjigjur me pyetje kur dhe për çfarë mori qeveria mbështetje nga opozita.

Për Asamblenë e Përgjithshme të OKB-së: Do të flas seriozisht dhe me argumente për Kosovën

Vuçiq javën e ardhshme do ta përfaqësojë Serbinë në Asamblenë e Përgjithshme të Kombeve të Bashkuara në Nju Jork, ku, siç ka paralajmëruar, do të flasë para së gjithash për Kosovën dhe atë në mënyrë të argumentuar dhe serioze.

“Do të flas më së shumti për Kosovën dhe Metohinë, si dhe për situatat ndërkombëtare, për hipokrizinë, standardet e dyfishta dhe gjithçka me të cilën po përballemi. Do të tregoj edhe vizionin e Serbisë në të ardhmen”, tha Vuçiq.

Ai shtoi se është planifikuar të mbajë fjalim para Asamblesë së Përgjithshme të OKB-së në pjesën e mëngjesit të seancës tashmë në ditën e parë, që, siç thotë ai, është "një kohë e mirë, e cila dëgjohet më shumë se zakonisht".