Gjuriq: Serbia kujton dorën e miqësisë në kohë të vështira

Përpara mbledhjes së vendeve të Evropës Juglindore në Beograd nga 26 deri më 28 maj në formatin e Mëngjesit tradicional Amerikan të Lutjes, ambasadori serb në SHBA Marko Gjuriq u takua në Kapitoll Hill me kongresmenin Robert Aderhollt, anëtar i Komisionit të Helsinkit.

Gjuriq i përcolli kongresmenit mirënjohjen e tij për mbështetjen e Kongresit Amerikan për fillimin e dialogut strategjik ndërmjet Serbisë dhe SHBA-së, si dhe për nismën "Ballkani i Hapur", aktivitetet e mëtejshme të së cilës do të diskutohen më shumë në tubimin e ardhshëm në Beograd.

Ai gjithashtu theksoi se Serbia e kujton dorën e miqësisë në kohë të vështira dhe se nuk ka harruar se kongresmeni Aderhollt ishte një nga nismëtarët e rezolutës së Kongresit që bën thirrje për t'i dhënë fund dhunës dhe sulmeve ndaj objekteve fetare në Kosovë e Metohi gjatë pogromit të marsit 2004.

Gjuriq shtoi gjithashtu se Serbia e vlerëson shumë përkushtimin personal të Aderhollt për rajonin, gjë që ishte veçanërisht e dukshme kur, së bashku me një grup kongresmenësh amerikanë, ai inicioi një rezolutë që kërkonte dërgimin e ndihmës në Serbi dhe vendet fqinje pas përmbytjeve katastrofike në maj 2014., thuhet në njoftimin e Ambasadës.

Gjuriq dhe kongresmeni amerikan diskutuan edhe për çështje të tjera me interes për rajonin, të cilat do të jenë tema e tubimit të majit të degës së Evropës Juglindore në kuadër të grupit “Mëngjesi i lutjes”, e cila pas vitit 2016 mbahet në Beograd për herë të dytë me mbështetjen e Kuvendit të Serbisë dhe Kongresit të Miqësisë Serbo-Amerikane.