Gjuriq: Zgjedhjet në veri janë një hap prapa në normalizimin e marrëdhënieve dhe një ofendim për demokracinë

Ambasadori i Serbisë në SHBA, Marko Gjuriq, ka thënë se zgjedhjet lokale që po mbahen sot në stacionet policore në veri të Kosovës janë një hap prapa në procesin e normalizimit të marrëdhënieve dhe ofendim për demokracinë.

Gjuriq ka thënë në Twitter se asnjë nga kërkesat legjitime të komunitetit serb në bazë të marrëveshjes nuk është përmbushur dhe se pozita e tyre është duke u përkeqësuar vazhdimisht për një vit e gjysmë.

"Qeveria e Kurtit tallet me komunitetin ndërkombëtar duke anuluar marrëveshjet me hapa të njëanshëm në terren dhe duke brutalizuar serbët në Kosovë në çdo rast. Është e çuditshme të shohësh Kurtin duke ndjekur gjurmët e Sllobodan Millosheviqit. Ne kemi nevojë për një mënyrë krejtësisht të ndryshme të të menduarit nëse presim rezultatet të jenë të ndryshme”, thotë Gjuriq.