Graovac: Kurti do të shpallë zgjedhje të parakohshme në Kosovë, nëse Perëndimi i bën presion për AKS

Srđan Graovac nga Qendra për Stabilitet Shoqrorë ka vlersuar se është e qartë se pala shqiptare nuk pajtohet që Asociacioni i Komunave Serbe të pranohet si zgjidhje dhe se kryeministri i Kosovës Albin Kurti më mirë do të shkojë në zgjedhje sesa të pranojë AKS.

"Mendoj se është e vështirë të presësh ndonjë përparim të rëndësishëm kur shikon të gjithë procesin e negociatave dhe ne duhet ta shikojmë atë nga dy aspekte. Aspekti i parë është vetëm ideja që Asociacioni i Komunave Serbe të pranohet si zgjidhje. Pastaj ne e kuptojmë se mund të jetë shumë e vështirë për t'u zbatuar që në fillim, sepse duket se nuk i përshtatet fare palës shqiptare, pra është e qartë se nuk i përshtatet aspak palës shqiptare”, tha Graovac.

Ai rikujton se Albin Kurti e ka fituar popullaritetin e tij me qëndrimin e vendosur se nuk do të ketë Asociacion të Komunave Serbe dhe se është e vështirë të pritet që ai të ndryshojë qëndrim në momentin kur ka kaluar gjysmën e mandatit të tij.

“Ai fitoi zgjedhjet në shkurt të vitit 2021, që do të thotë se zgjedhjet e ardhshme në KdheM priten në fillim të vitit 2025. Kur e kemi parasysh këtë, madje duket si një opsion më real që Albin Kurti të shkojë në zgjedhje në vend që të pranojë formimin e Asociacionit të Komunave Serbe, por vetëm me kusht që presioni nga perëndimi të jetë aq i fortë sa ai duhet të formojë Asociacionin e komunave  serbe, gjë që nuk ishte rasti deri më tani. Por, nëse kjo do të ndodhte, mendoj se ai do të shkonte edhe më shpejt në zgjedhje të jashtëzakonshme dhe ndoshta me një mandat të ri, që kur të materializojë këtë mbështetje që ka tani në publik, atëherë do të ishte gati për një lloj kompromis”, theksoj Graovac.

Ai shton se në të ardhmen do të ketë negociata për draft statutin e AKS, me të gjitha llogaritë, me vlerësimin se nuk do të jetë as e lehtë, sepse nuk ka mundësi të arrihet lehtësisht një konsensus ndërmjet palës serbe dhe shqiptare.