Grenell Kurtit: E keni shkatërruar lidhjen e fortë mes SHBA-së dhe Kosovës

Ish-i dërguari i posaçëm i SHBA-së për Dialog, Riçard Grenell tha se Uashingtoni i mbështet ata që beson se po përparojnë në respektimin e vlerave perëndimore dhe shtoi se Kryeministri i Kosovës Albin Kurti shkatërroi lidhjet e forta mes Kosovës dhe SHBA-së.

Duke iu përgjigjur komentit të Kurtit për bastisjen e dhunshme të djeshme të Policisë së Kosovës në objektet e komunës së Zveçanit, Zubin Potokut dhe Leposaviqit, se e drejta e të zgjedhurve në zgjedhjet demokratike është të marrin detyrën, Grenell në Twitter ka thënë se Kurti është lideri i parë, veprimet e të cilit janë dënuar nga demokratët dhe republikanët.

"Megjithatë, ndihma e huaj nuk është një e drejtë. SHBA mbështet ata që ne besojmë se po përparojnë në respektimin e vlerave perëndimore. Ju keni shkatërruar lidhjen e fortë midis SHBA-së dhe Kosovës. Ju jeni lideri i parë i Kosovës që është dënuar si nga demokratët ashtu edhe nga republikanët”, tha Grenell.

Në postim ai ka etiketuar presidenten e Kosovës, Vjosa Osmanin, së cilës i tha se “heshtja është shqetësuese”, si dhe ish-kryeministrin Hashim Thaçi, për të cilin tha se “është i nevojshëm tani”.