Hoti: Ballkani Perëndimor në krye të axhendës së BE-së, Tirana u zgjodh si vendi pritës i Samitit për shkak të neutralitetit të saj

Afrim Hoti, profesor i marrëdhënieve ndërkombëtare në Universitetin e Prishtines, vlerësoi për Kosovo online se Samiti i Komunitetit Politik Evropian i mbajtur në Tiranë dërgoi mesazhe se paqja është e nevojshme dhe se Ballkani Perëndimor është në krye të axhendës së Bashkimit Evropian.

Hoti theksoi se kishte dy mesazhe dhe se fokusi ishte te domosdoshmëria e paqes.

“Ballkani Perëndimor është në krye të axhendës së Bashkimit Evropian. Kjo për shkak se Ballkani Perëndimor nuk është ende pjesë e Bashkimit Evropian, kështu që përfaqëson vendin e duhur për takimin e Samitit të Komunitetit Politik Evropian”, tha Hoti.

Ai deklaroi se Shqipëria u zgjodh si vendi pritës i Samitit për shkak të neutralitetit të saj, veçanërisht kur bëhet fjalë për marrëdhëniet midis Kosovës dhe Serbisë.

“Shqipëria po përparon me shpejtësi dhe, ndër të tjera, po bëhet një qendër diplomatike e besueshme e Ballkanit Perëndimor”, theksoi ai.