Hoxha me DiCarlo-n për stabilitetin e Ballkanit Perëndimor: Shqipëria e përkushtuar ndaj Kartës së OKB-së

Ministri i Punëve të Jashtme i Shqipërisë, Ferit Hoxha, u takua me Nënsekretaren e OKB-së për Çështjet Politike dhe të Paqes, Rosemary DiCarlo, në Forumin Diplomatik në Antalia, me të cilën diskutoi për stabilitetin rajonal në Ballkanin Perëndimor.

Jam shumë i lumtur që takohem përsëri në Forumin Diplomatik në Antalia 2026 me miken time, ish-kolegen dhe diplomaten e shquar, Nënsekretaren për Çështjet Politike dhe të Paqes, Rosemary DiCarlo", shkroi Hoxha në rrjetin social "X".

Ai shtoi se bota në të cilën jetojmë dhe gjendja aktuale e multilateralizmit nuk lënë mungesë temash për diskutim, nga dinamikat e sigurisë globale deri te stabiliteti rajonal në Ballkanin Perëndimor, si dhe rëndësia e forcimit të bashkëpunimit dhe ruajtjes së rendit ndërkombëtar bazuar në rregulla.

"Riporova partneritetin e fortë të Shqipërisë me Kombet e Bashkuara, si dhe angazhimin tonë ndaj parimeve të Kartës së OKB-së, së bashku me nevojën për t'iu përgjigjur kërcënimeve të reja për paqen dhe sigurinë. Ne vazhdojmë të bashkëpunojmë ngushtë me ekipin e OKB-së në Shqipëri në fusha kyçe që mbështesin drejtpërdrejt prioritetin tonë më të lartë kombëtar, anëtarësimin në BE brenda Horizontit 2030, veçanërisht në kontekstin e Rishikimit Kombëtar Vullnetar që do të zhvillohet në korrik”, përfundoi Hoxha

Shumë i kënaqur që u rilidha në Forumin e Diplomacisë së Antalias 2026 me një mik, ish-koleg dhe diplomat të shquar, Nënsekretarin e Përgjithshëm për Çështjet Politike dhe të Ndërtimit të Paqes,