Jevtiq për dialogun në Bruksel: Është mirë që po diskutohet për dinarin, por Prishtina po i largon serbët me vendimet e saja

Kryetari i Komunës së Shtërpcës, Dalibor Jevtiq, duke komentuar vazhdimin e dialogut në Bruksel, ka thënë se është mirë të diskutohet për çështjen e përdorimit të dinarit, por se nuk ka pritshmëri nga Prishtina sepse “regjimi aktual” po bën gjithçka që me vendimet e tyre të ndikojë që serbët të largohen nga Kosova.

“Gjithmonë është mirë të bisedohet dhe të ketë dialog për çdo temë, veçanërisht për një temë kaq të rëndësishme siç është çështja e dinarit, e rëndësishme mbi të gjitha për popullin serb në Kosovë, por edhe në përgjithësi për të gjithë ata që marrin pensione dhe përfitime të tjera në dinar. Megjithatë, unë nuk kam asnjë pritshmëri nga Prishtina në këtë kuptim, sepse Prishtina dhe regjimi aktual në Prishtinë vazhdimisht kanë dëshmuar dhe po dëshmojnë se po bëjnë gjithçka për të ndikuar që serbët të largohen nga këto zona me vendimet e tyre, dhe nuk janë duke hequr dorë nga ajo politikë”, tha Jevtiq për Kosovo online.

Ai ka theksuar se drejtori i Zyrës për Kosovë dhe Metohi, Petar Petkoviq dhe delegacioni serb në Bruksel, po bëjnë përpjekje që problemi i dinarit të zgjidhet në interes të qytetarëve, para së gjithash serbëve, për të cilët kjo çështje është shumë e rëndësishme.

“Kam pritshmëri nga përfaqësuesit e Bashkimit Evropian, nga Brukseli, që më në fund të bëjnë diçka për pozicionin që kanë për sa i përket garancive që kanë dhënë për marrëveshjet e tjera të mëparshme, por edhe konkretisht për zgjidhjen e këtij problemi. Kur e them këtë, dua të them se ata e zbatojnë atë që kanë në aspektin e kritikës që në fillim të këtij vendimi, atë që u tha për të nga Bashkimi Evropian dhe ndërmjetësi në dialog z. Lajçak, por edhe përfaqësuesit e administratës amerikane të cilët na tha në takime se ky vendim është katastrofik dhe se ka konturet e një krize të mundshme humanitare për të cilën po flasim, na e ka thënë disa herë”, tha Jevtiq.

Ai shtoi se fakti që bisedimet dhe dialogu janë ende në vazhdim, jep shpresë se do të arrihet një zgjidhje. Ai shprehu pritjen se kjo zgjidhje do t'u mundësojë atyre që marrin pensione, paga dhe beneficione sociale që në të ardhmen t'i tërheqin të ardhurat e tyre në Kosovë.